Առողջապահության համաշխարհային կազմակերպությունը խորհուրդ է տալիս երկրներին վերլուծել կորոնավիրուսի նոր տարատեսակի ներմուծման ռիսկը եւ այդ հիման վրա որոշում կայացնել օդային հաղորդակցության վերաբերյալ, հայտարարել է Ռուսաստանում Առողջապահության համաշխարհային կազմակերպության (ԱՀԿ) ներկայացուցիչ Մելիտա Վույնովիչը:
«Առողջապահության համաշխարհային կազմակերպությունն այս պահին որեւէ ժամկետ կամ այլ բան չի առաջարկել (սահմանների եւ օդային հաղորդակցության հետ կապված), սակայն խորհուրդ է տվել ներմուծման ռիսկի վերլուծություն կատարել, եւ դրա հիման վրա անհատական, ազգային որոշում կայացնել»,- «Ռոսիա-24» հեռուստաալիքի եթերում ասել է Վույնովիչը:
Նա նշել է, որ հաղորդակցության կամ երկրի սահմաններին ռեժիմների մասին որոշումն ընդունվում է անհատապես: