ԱՄՆ ՌԾՈՒ-ն հայտարարել է, որ Ohio դասի կառավարվող հրթիռներով չորս սուզանավերից մեկը մտել է Պարսից ծոց՝ այն մոտեցնելով իրանական ջրերին եւ Իրանի ամբողջ տարածքը պահելով հրթիռների հասանելիության գոտում, փոխանցում է Military Watch Magazine-ը:
Ռազմանավը նեղուցով անցել է դեկտեմբերի 21-ին Ticonderoga, USS Port Royal եւ USS Philippine Sea դասի երկու հածանավերով:
Դրանք տեղակայվել էին ոչ պակաս, քան 2 շաբաթ առաջ մինչեւ իրանցի գեներալ Ղասեմ Սոլեյմանիի սպանության տարելիցը, որը զոհվել էր 2020 թվականի հունվարի 3-ին ամերիկյան անօդաչուի հարվածից:
Խոսելով Պարսից ծոցում ԱՄՆ «Ջորջիա» ռազմանավի տեղակայման մասին, ԱՄՆ ՌԾՈՒ 5-րդ նավատորմի հրամանատարի մամուլի քարտուղար Ռեբեկա Ռեբարիչը հայտարարել է. «ԱՄՆ ՌԾՈՒ-ն մեր գործընկերների հետ պահպանում է մշտական աչալրջություն առեւտրի ազատ հոսքի համար կարեւոր ջրային ուղիների անվտանգության ապահովման նպատակով»:
Սա առաջին դեպքն է, երբ ՌԾՈՒ-ն հրապարակայնորեն հայտարարում է 2012 թվականից ի վեր Պարսից ծոցում Օհայո դասի կառավարվող հրթիռներով սուզանավի տեղակայման մասին: Ամերիկյան ատոմային սուզանավային նավատորմի գործողությունները, որպես կանոն, շատ գաղտնի են, իսկ նավերն անաղմուկ են:
