Գերմանիայի կանցլեր Անգելա Մերկելը չի բացառել, որ Գերմանիայում կոշտ կարանտինային միջոցների ռեժիմը կտեւի մինչեւ ապրիլ: Այս մասին հայտնում է Bild-ը՝ հղում անելով անանուն աղբյուրին:
Մերկելի խոսքով՝ կորոնավիրուսի նոր շտամը, որը տարածվել է Մեծ Բրիտանիայում, հատկապես վտանգավոր է, եւ պետք է անել ամեն ինչ, որպեսզի հիվանդացությունը կրկին չբարձրանա: «Մեզ եւս 8-10 շաբաթ կոշտ միջոցներ են անհրաժեշտ»,-ասել է նա, հաղորդում է ՏԱՍՍ-ը:
Դեկտեմբերի 16-ից Գերմանիայում գործում են կարանտինային կոշտ միջոցներ: Փակ են բոլոր առեւտրային կենտրոնները, բացի պարենային, տնտեսական եւ որոշ այլ խանութներից: Չեն աշխատում վարսավիրանոցները, թանգարանները, թատրոնները, կոսմետիկայի սրահները, դպրոցականներն անցել են հեռավար ուսուցման: