Ռուսաստանում վերջին մեկ օրում գրանցվել է նոր տեսակի կորոնավիրուսային ինֆեկցիայով եւս 24 092 հիվանդացած, հայտնում է «Ինտերֆաքսը»՝ վկայակոչելով օպերատիվ շտաբին:
Երկրում մեկ օրում COVID-19-ի հետեւանքով մահացել է 590 մարդ: Մահացածների ընդհանուր թիվը հասել է 65 085-ի:
Ապաքինվել եւ դուրս են գրվել 2 մլն 936 991 պացիենտ, այդ թվում՝ 27 311-ը վերջին մեկ օրում:
ՌԴ-ում համավարակի ամբողջ ժամանակահատվածում գրանցվել է կորոնավիրուսով վարակման 3 544 623 դեպք: Այս ցուցանիշով երկիրը շարունակում է մնալ աշխարհում 4-րդ տեղում՝ ԱՄՆ-ից (23,5 մլն), Հնդկաստանից (10,5 մլն) եւ Բրազիլիայից (8,3 մլն) հետո: Սակայն Ջոն Հոփքինսի տվյալների համաձայն՝ 5-րդ հորիզոնականը զբաղեցնող Մեծ Բրիտանիայում արդեն կա 3,3 մլն վարակակիր:
Մոսկվայում օրական աճը կազմել է 4674: Մայրաքաղաքում ապաքինվել է եւս 5 639 պացիենտ, մահացել է 79 մարդ:
Նոր հիվանդներ են հայտնաբերվել Ռուսաստանի բոլոր 85 տարածաշրջաններում: Մոսկվային հաջորդում են Պետերբուրգը (3253), Մոսկվայի մարզը (1406): Նիժեգորոդյան մարզում գրանցվել է 485 նոր դեպք, ՌԴ մնացած սուբյեկտներում աճը 400-ից պակաս է: