Սյունիքում շուտով կսկսվի Ադրբեջանի հետ սահմանի դելիմիտացիան: Այս մասին ԱԺ նիստում հայտարարեց ՀՀ փոխվաչապետ Տիգրան Ավինյանը՝ պատասխանելով պատգամավորների հարցերին:
Փոխվարչապետի վստահեցմամբ՝ սահմանամերձ հատվածներում, որոնցով անցնում է Գորիսից Կապան տանող ճանապարհը, եւ որոնք մասամբ են անցել Ադրբեջանի վերահսկողության տակ, այժմ անվտանգ են:
«Ճանապարհները վերահսկվում են հայ եւ ռուս սահմանապահների կողմից, եւ մինչ օրս որեւէ արտակարգ իրավիճակ տեղի չի ունեցել: Սահմանապահների տեղակայման գործընթացը գրեթե ավարտվել է: Դրանից հետո մենք պետք է սկսենք բովանդակային բանակցություններ վերջնական դելիմիտացիայի եւ դեմարկացիայի հարցով»,-հայտնեց Ավինյանը:
Փոխվարչապետը նաեւ հայտնեց, որ բանակցությունների ընթացքում, որոնք խոստանում են շարունակական լինել, անվտանգությունը հերթական անգամ կվերագնահատվի: Այնուամենայնիվ տվյալ փուլում, Ավինյանի կարծիքով, հայ-ադրբեջանական սահմանի ողջ երկայնքով բավական անվտանգ է: