News
Լրահոս
News
Հինգշաբթի
Օգոստոս 05
Տեսնել լրահոսը

Անտոնիո Վիվալդիի երաժշտության ունկնդրումը նվազեցրել է մեկ օրվա մեկուսացման մեջ գտնվող տագնապած դանիո-րերիրո ձկների սթրեսը: Պարզելով դա՝ գիտնականները հույս ունեն, որ դասական երաժշտությունը կարող է օգտագործվել մարդկանց մոտ սթրեսի ոչ դեղորայքային բուժման համար: Հետազոտության արդյունքները հրապարակել է Behavioral Brain Research գիտական ամսագիրը, այս մասին հակիրճ գրում է Ուրալի դաշնային համալսարանի մամուլի ծառայությունը:

Սթրեսի վրա դասական երաժշտության ազդեցությունն ուսումնասիրելու համար հետազոտողները ընտրել են լայնորեն օգտագործված մոդելային օրգանիզմ՝ դանիո-րերիրո ձկներին: «Այս տեսակի ընտրությունը բացատրվում է նրանով, որ դա սոցիալական տեսակ է, եւ մեկուսացումը, թեկուզ կարճ ժամանակով, նրանց մոտ առաջացնում է արտահայտված տագնապալի վարք եւ նեյրոէնդոկրին ռեակցիաներ»,- բացատրել է հետազոտության հեղինակներից մեկը՝ համալսարանի առաջատար գիտաշխատող, Սանկտ Պետերբուրգի պետական համալսարանի եւ Հարավարեւմտյան համալսարանի (Չինաստան) պրոֆեսոր Ալան Կալուեւը:

Փորձի ընթացքում ձկներին բաժանել են երկու խմբի: Յուրաքանչյուրին 24 ժամ մեկուսացրել են, ինչի պատճառով նրանց սթրեսի մակարդակը զգալիորեն աճել է: Խմբերից մեկի համար օրական երկու անգամ 65–75 դեցիբել բարձրությամբ Վիվալդիի երաժշտություն են միացրել: Սմարթֆոնը, որով երաժշտությունը հնչել է, դրվել է ակվարիումներից 1,5 մետր հեռավորությամբ, որպեսզի կենդանիներին չվնասի: Դանիո-րերիրոյի մյուս խմբի համար երաժշտություն չեն միացրել:

24 ժամից հետո կատարված վարքային թեստերը ցույց են տվել, որ առաջին խմբի ձկների մոտ տագնապայնությունն ավելի ցածր մակարդակի վրա է եղել: Հետազոտողները ենթադրում են, որ դրա վրա ազդել է ձկների համար միացված երաժշտությունը:

«Դասական երաժշտությամբ շրջակա միջավայրի հարստացումը կարող է օգտագործվել որպես այլընտրանքային անգիոլիտիկ գործոն, որը վերացնում է տագնապը, վախը, դրանց հետ կապված լարվածությունը եւ բարձրացնում է հուզական բարեկեցությունը»,- ասել է Կալուեւը:

Ըստ գիտնականների, այս մեթոդը կարող է կիրառվել մարդկանց վրա: «Ակնկալվում է, որ ազդեցությունը չի լինի ավելի վատ, քան հաբեր ընդունելը, որոնք օրգանիզմի կողմից հաճախ վատ են ընդունվում: Ձկների եւ մարդկանց շրջակա միջավայրի ձայնային հարստացման հետ կապված ռեակցիաների նմանությունը շեշտում է այս երեւույթի էվոլյուցիոն հին բնույթը, ինչը կարող է կարեւոր նշանակություն ունենալ սթրեսի ոչ դեղորայքային թերապիայի կենսաբանական հիմնավորման համար»,- ամփոփել են մամուլի ծառայությունում:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ֆրանսիայի կենդանաբանական այգում հսկա պանդան երկու երկվորյակ ձագ է լույս աշխարհ բերել
Փարիզից հարավ գտնվող Բովալի կենդանաբանական այգում հայտնել են, որ երկվորյակների քաշը 149 եւ 129 գրամ է․․․
Պլաստիկը սպանում է ծովային կրիաներին
Համարվում է, որ փոքր երիտասարդ կրիաներն առավել շատ են ենթարկված վտանգի, քանի որ նրանց բնակության գոտին պլաստիկով աղտոտվածության բարձր մակարդակ ունի․․․
«Ամենատխուր արջը»․ միջազգային մամուլն ահազանգել է Արմավիրում բանտարկված կույր արջի մասին (ֆոտո)
Ամենահեղինակավոր Washington times, The Sun, Daily mail, Mirror, dailystar.co.uk, The Irish Sun լրատվամիջոցները գրել են Հայաստանում սարսափելի պայմաններում…
Կատուն կես ժամ պաշտպանել է տիրոջ տունը մահացու վտանգավոր կոբրայից
Տեսնելով վտանգավոր սողունին՝ Պարիդան եւ նրա ընտանիքը խուճապի են մատնվել եւ կանչել են օձ բռնողին․․․
Հայաստանում արագիլները շրջակա միջավայրի աղտոտվածության պատճառով անհետանալու սպառնալիքի տակ են
Արդեն մի քանի տարի էկոլոգները տագնապ են հնչեցնում...
Աղվեսը վերադարձվեց վայրի բնություն. Տեսչական մարմին
Տեսչական մարմինը ևս մեկ անգամ հորդորում է վայրի կենդանիներին չզրկել ազատությունից և բնական միջավայրում ապրելու հնարավորությունից...