Airbus ինքնաթիռների եվրոպական արտադրողը 1,1 մլրդ եվրո է կորցրել պանդեմիայի պատճառով, սակայն հույս ունի հարյուրավոր ինքնաթիռներ մատակարարել եւ շահույթ ստանալ 2021 թվականին՝ չնայած զանգվածային թռիչքների վերսկսման ժամկետների հետ կապված անորոշությանը, հաղորդում է AP-ը:
Airbus-ի գործադիր տնօրեն Գիյոմ Ֆորին խոստովանել է, որ անցած տարի ընկերության արդյունքները հեռու էին սպասելիքներից: Հունիսին ընկերությունը կրճատել է 15 000 աշխատատեղ, հիմնականում՝ Ֆրանսիայում եւ Գերմանիայում:
«Ճգնաժամը դեռ չի ավարտվել: Հավանաբար, այն կմնա մեր իրականությունը ամբողջ տարվա ընթացքում: Ավիաընկերությունները կշարունակեն տառապել եւ «այրել կանխիկ գումարները»»,-ասել է Ֆորին:
Airbus-ի վաճառքներն անցած տարի ընկել են մինչեւ 49,9 մլրդ եվրո 70 մլրդ եվրոյից:
