Զիմբաբվեն շուտով կսկսի վաճառել իրավունք այս տարի 500 փիղ կրակելու համար: Զիմբաբվեի այգիների եւ վայրի բնության պահպանության վարչության ներկայացուցիչ Թինաշե Ֆարավոն հայտնել է CNN-ին, որ կորոնավիրուսի համավարակի պատճառով զբոսաշրջությունից եկամուտների անկումն այդ քայլի հիմնական պատճառներից մեկն է:
«Մենք ուտում ենք այն, ինչ սպանում ենք,-ասել է Ֆարավոն:-Մենք ունենք 25 միլիոն դոլարի չափով բյուջե մեր գործունեության համար, որը մասամբ ստացվում է սպորտային որսի հաշվին, սակայն դուք գիտեք, որ ներկայում զբոսաշրջությունը մեռած է կորոնավիրուսի պատճառով»:
Հայտարարությունն արվել է մի քանի շաբաթ անց այն բանից հետո, երբ աֆրիկյան անտառային փիղը հայտարարվել էր անհետացման վտանգի ներքո գտնվող կենդանի:
Բնական ռեսուրսների կառավարման կենտրոնի մամուլի քարտուղար Սիմիսո Մլեւուն ասել է, որ փղերի վրա որսը թույլ տալու մասին որոշումը «սարսափելի է»: «Ըստ ամենայնի՝ վայրի կենդանիների ընտանիքների ողջ մնացած անդամները, որոնք կդառնան դրանց անիմաստ սպանության ականատեսը, վրեժ կլուծեն տեղաբնակներից»,-ասել է Մլեւուն:
Զիմբաբվեն տարածաշրջանում միակ երկիրը չէ, որտեղ թույլտարվում է փղերի վճարովի որսը: Դեկտեմբերին Նամիբիան վաճառքի էր հանել 170 «արժեքավոր» վայրի փիղ երաշտի եւ դրանց թվի աճի պատճառով: