Ջո Բայդենի վարչակազմը հավանություն է տվել Իսրայելին 735 միլիոն դոլար արժողությամբ բարձր ճշգրտության զենքի վաճառքին, գրում է Washington Post-ը:
Ըստ թերթի՝ այդ որոշումը անհանգստացրել է Ներկայացուցիչների պալատի որոշ դեմոկրատների, ովքեր մասնակցում են վարչապետ Բենիամին Նեթանյահուի կառավարությանը ԱՄՆ կառավարության աջակցության շուրջ քննարկումներին:
Կոնգրեսը վաճառքի մասին պաշտոնապես ծանուցվել է մայիսի 5-ին, իսրայելա-պաղեստինյան հակամարտության սրումից մոտ մեկ շաբաթ առաջ:
Կրակի անհապաղ դադարեցման կոչ անելով՝ ԱՄՆ վարչակազմը հայտարարել է, որ Իսրայելն իրավունք ունի պաշտպանվել ՀԱՄԱՍ-ից՝ դիրքորոշում, որին նախկինում աջակցում էր Կոնգրեսի մեծամասնությունը: Բայց Ներկայացուցիչների պալատում դեմոկրատների նոր սերունդը ցանկանում է ավելին իմանալ նոր վաճառքի եւ դրա ժամկետների մասին՝ առաջարկելով այն օգտագործել որպես լծակ:
