Վրաստանի վարչապետին կից կորոնավիրուսի դեմ պայքարի միջգերատեսչական համակարգող խորհուրդը որոշում է կայացրել հունիսի 1-ից ճանապարհորդների համար բացել ցամաքային սահմաններն ամենամոտ հարեւանների հետ, որոնք 2020 թվականի մարտից փակ էին համավարակի պատճառով: Այս մասին երեքշաբթի ճեպազրույցի ժամանակ հայտարարել է միջգերատեսչական համակարգող խորհրդի օպերատիվ շտաբի ղեկավար Գեորգի Գիբրաձեն:
«Համակարգող խորհուրդը որոշում է կայացրել հունիսի 1-ից ցամաքային սահմանները բացելու մասին: Վրաստան հնարավոր կլինի մուտք գործել վերջին 72 ժամվա ընթացքում արված PCR թեստի բացասական պատասխանի առկայության կամ պատվաստման ամբողջ կուրսն (երկու դեղաչափ) անցնելու պարագայում»,- ասել է Գաբրիձեն: