Ֆրանսիան բացվում է պատվաստված օտարերկրյա զբոսաշրջիկների առջեւ՝ վերացնելով կորոնավիրուսի ախտորոշման թեստերի անհրաժեշտությունը պատվաստված եվրոպացիների համար եւ թույլ տալով, որպեսզի պատվաստված զբոսաշրջիկներն աշխարհի մեծ մասից այցելեն երկիր բացասական արդյունքի առկայության դեպքում, հաղորդում է AP-ն:
Մեղմացված կանոններն ուժի մեջ կմտնեն հաջորդ շաբաթ, ինչը խթան կհաղորդի Ֆրանսիայում զբոսաշրջության ոլորտի զարգացմանը: Սակայն զբոսաշրջությունը հնարավոր չի լինի այն երկրներից, որոնք բախվում են կորոնավիրուսի նոր ալիքին: Այս «կարմիր ցուցակը» ներկայումս ընդգրկում է 16 երկիր, այդ թվում` Հնդկաստանը, Հարավային Աֆրիկան եւ Բրազիլիան:
Եվրոպայից դուրս մնացած աշխարհի մեծ մասը «ճանապարհորդության» նոր կանոնագրքում որպես «նարնջագույն» է դասվում:
«Նարնջագույն» երկրներից, այդ թվում՝ ԱՄՆ-ից եւ Մեծ Բրիտանիայից պատվաստված այցելուները ժամանումից հետո այլեւս կարիք չեն ունենա կարանտին մտնել եւ այլեւս չպետք է ներկայացնեն Ֆրանսիա մեկնելու իրենց պատճառները: Սակայն նրանք պետք է ժամանումից 72 ժամ առաջ հանձնած ՊՇՌ թեստի բացասական արդյունք ներկայացնեն:
Եվրոպացի այցելուները յոթ «կանաչ» երկրից` Ավստրալիայից, Հարավային Կորեայից, Իսրայելից, Ճապոնիայից, Լիբանանից, Նոր Զելանդիայից եւ Սինգապուրից, պատվաստված լինելու դեպքում թեստավորման կարիք այլեւս չեն ունենա: