Բրազիլիայի հարավում հայտնաբերվել է կորոնավիրուսի նոր «լամբդա» շտամ: Այս մուտացիայի վերաբերյալ գիտնականների եզրակացությունները հրապարակվել են medRxiv էլեկտրոնային գրադարանի հոդվածում, գրել է Գազետա.ռու-ն:
Նշվում է, որ բրազիլացի բժիշկների մի խումբ առաջին անգամ արձանագրել է SARS-CoV-2 տիպի «լամբդա» տարատեսակի առկայության հետքերը Բրազիլիայում ՝ հայտնաբերելով վարակի նոր տարատեսակ: Բացահայտումը կատարվել է կորոնավիրուսով հիվանդի առողջական վիճակի հետազոտության ժամանակ, որը վերադարձել էր հարեւան Արգենտինա ուղեւորությունից հետո:
Հետազոտողները երկու տասնյակ փոփոխություններ են հայտնաբերել վարակի գենոմի կառուցվածքում, որոնք բնորոշ չեն SARS-CoV-2-ի «լամբդա» շտամի մյուս տարատեսակների մեծամասնությանը: Գիտնականները նշում են, որ դեռեւս տվյալներ չկան բնակչության շրջանում նոր տարբերակի տարածման արագության եւ այն մասին, թե որքանով է այն ավելի վարակիչ, քան մյուս մուտացիաները:
Ավելի վաղ հաղորդվել է, որ Ռուսաստանում «դելտա պլյուսի» նոր դեպք է գրանցվել: Այնուամենայնիվ, դրա հետագա տարածման վերաբերյալ տեղեկթյուններ չկան:
Առողջապահության համաշխարհային կազմակերպության (ԱՀԿ) գլխավոր գիտաշխատող Սումյա Սվամինաթանը ընդգծել է, որ այս շտամն ունի մուտացիա, որը կարող է ազդել վարակի հակամարմինների արդյունավետության վրա: «Դելտա պլյուս»-ով կարելի է վարակվել պարզապես հիվանդի կողքով առանց դիմակի անցնելու դեպքում, հավելել է նա:
