Բալթյան երկրների օդային տարածքում սկսվել են ՆԱՏՕ-ի երկրների ռազմաօդային ուժերի եւ նրանց գործընկեր Ramstein Alloy-ի («Ռամշտայնյան ձուլվածք») վարժանքները: Այս մասին երեքշաբթի օրը հայտարարել է Էստոնիայի պաշտպանության ուժերի գլխավոր շտաբը:
«ՆԱՏՕ-ի Օդային գործողությունների միացյալ կենտրոնի թիմը՝ հյուրընկալող Էստոնիան եւ մասնակից մյուս երկրները, հերթական անգամ պատրաստել են ուսումնական ծրագիր, որը մեր օդային հսկողության անձնակազմին միավորում է դաշնակիցների եւ ծանր պայմաններում գտնվող գործընկերների հետ»,- ասել է ՆԱՏՕ-ի Միավորված օդային գործողությունների կառավարման կենտրոնի հրամանատար, գեներալ-լեյտենանտ Կլաուս Հաբերզեթցերը։
Զորավարժությունների ընթացքում կկիրառվեն կապի եւ հսկողության ընթացակարգեր, ինչպես նաեւ ավիացիոն անվտանգության ապահովում։ Ի թիվս այլ բաների, զորավարժությունների մասնակիցները գործողություններ կմշակեն հաղորդակցության խափանման, ինքնաթիռի ուղեկցման, դանդաղ թռչող ինքնաթիռ հայտնաբերելու եւ որոնողափրկարարական գործողությունների դեպքերի համար:
Բացի Իտալիայի եւ Իսպանիայի ռազմաօդային ուժերի կործանիչներից, որոնք տեղակայված են Էմարիի եւ Շաուլյայի հենակետերում, զորավարժություններին կմասնակցեն նաեւ օդաչուներ Գերմանիայից, Իսպանիայից, Լեհաստանից, Թուրքիայից եւ Ֆինլանդիայից: Ընդհանուր առմամբ, զորավարժություններում կներգրավվեն ավելի քան 20 ինքնաթիռներ, այդ թվում՝ վաղ նախազգուշացման եւ կառավարման AWACS E-3 համակարգի ինքնաթիռ:
