News
Լրահոս
News
Կիրակի
Հունվար 29
USD
395.53
EUR
393.43
RUB
6.42
Տեսնել լրահոսը

Հայաստանն առաջին անգամ առցանց տաղավարով մասնակցում է Կաննի կինոշուկային:

ԿԳՄՍՆ-ից NEWS.am-ին հայտնում են, որ հուլիսի 6-ին մեկնարկել է Կաննի միջազգային 74-րդ կինոփառատոնի Marché du Film կինոշուկան, որի առցանց հարթակում մասնակցում է նաև Հայաստանի ազգային կինոկենտրոնը: Marché du Film կինոշուկան ոլորտում աշխարհի ամենահին ու խոշոր հարթակն է, որը զբաղվում է ֆիլմերի առքուվաճառքով և դիստրիբուցիայով: Այն այս տարի աշխատում է հիբրիդային (խառը) եղանակով. մասնակիցները կարող են ներկա գտնվել շուկայում կամ աշխատել հեռավար։ Կինոշուկան կգործի մինչև հուլիսի 15-ը:

Marche' du Film կայքում տեղադրված հայկական առցանց էջը (տաղավար) ակտիվ հղմամբ կապված է կինոկենտրոնի կայքին և CINANDO հարթակին։ Այն ունի մի քանի բաժին, այդ թվում՝ 2020-2021 թթ․ Հայաստանի ազգային կինոկենտրոնից աջակցություն ստացած ֆիլմերի ընդարձակ «Կատալոգ»՝ տարբեր արտադրական փուլերում գտնվող 73 կարճամետրաժ, լիամետրաժ, անիմացիոն կինոնկարներ: «Հայկական ֆիլմեր» բաժնում ընտրված են լիամետրաժ (ավարտված) և հետարտադրական փուլում գտնվող 12 աշխատանք: Էջն ունի նաև  «Հայկական փառատոներ», «Կինոժառանգություն» և «Հայաստանի տեսարժան վայրեր» (լոքեյշններ) բաժինները: Հայաստանի մասնակցությունն ապահովվել է ՀՀ ԿԳՄՍ նախարարության աջակցությամբ:

Marche’ du Film-ի հայկական հարթակը Կաննի կինոշուկայում հավատարմագրված  մասնագետներին հայկական կինոարտադրանքին ծանոթանալու, միաժամանակ հետադարձ կապ ու առցանց հարթակում տեղ գտած ինֆորմացիայի միջոցով ֆիլմերի պատասխանատուների հետ անմիջական կապ հաստատելու և հետագա համագործակցությունը զարգացնելու հնարավորություն է ընձեռում:

Նշենք, որ կինոշուկայի համար պատրաստված կատալոգն ամբողջովին ինտերակտիվ է: Առցանց էջից կարող են օգտվել միայն Կաննի կինոշուկայում հավատարմագրված անձինք՝ վաճառքի մասնագետները, դիստրիբյուտորները և այլք։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հայաստանի ներկայացուցիչները մասնակցել են «Եվրիմաժի» կառավարման խորհրդի համաժողովին
Ստրասբուրգում կայացել է Եվրոպայի խորհրդի «Եվրիմաժ» մշակութային...
Լավագույն անիմացիոն ֆիլմ. «Ավրորայի լուսաբացը» ֆիլմն արժանացել է մրցանակի
«Արշալույսի լուսաբացը» ֆիլմը վավերագրում է Արշալույս Մարտիկյանի (Ավրորա Մարդիգանյան) կյանքի ոդիսականը. Հայոց ցեղասպանությունից մազապուրծ եղած...
«Ամերիկացի բարի սամարացիները» ֆիլմը հաղթող է ճանաչվել Կաննի համաշխարհային կինոփառատոնում. ԿԳՄՍՆ
Ֆիլմը նվիրված է ազգերի փրկության նվիրյալների հիշատակին՝ մարդկանց, որոնք...
Ջեյմս Բոնդի մասին պատմող ֆիլմի իրերը բարեգործական նպատակով աճուրդի կհանվեն
Իրերի շարքում առաջատարը մեքենան է: Այս մեքենան, որը գնահատվում է 1,62-2,16 միլիոն դոլար, ֆիլմի համար ստեղծված ութ կրկնօրինակներից մեկն է...
«Ամերիկացի բարի սամարացիները» ֆիլմը հերթական հաջողությունն է արձանագրել
Հիշեցնենք․ ֆիլմը ստացել է պետական ֆինանսական մասնակի աջակցություն ՀՀ…
Փաստավավերագրական ֆիլմերի «Հայկ» կինոստուդիան միացվել է Հայաստանի ազգային կինոկենտրոնին
«Փաստավավերագրական ֆիլմերի «Հայկ» կինոստուդիա» ՊՈԱԿ-ը կինոարտադրության ոլորտում իրականացնում է հայկական փաստավավերագրական...
Ամենաշատ