Սամուի, Փհանգան եւ Տաո կղզիները հինգշաբթի պաշտոնապես բացվել են պատվաստված օտարերկրացիների եւ Թաիլանդի քաղաքացիների համար՝ դառնալով թագավորության երկրորդ նահանգը, որը սկսել է առանց կարանտինի ճանապարհորդներ ընդունում: Թայլանդի զբոսաշրջության մարմնի կողմից հրապարակված ցուցակի համաձայն՝ Սուրաթհանիի հանգստավայրեր ժամանելու պահանջները մասամբ նման են այն պահանջներին, որոնք գործում են հուլիսի 1-ից Պհուքետում:
«Պհուքետի սխեմայից» հիմնական տարբերությունը տարանցումն է, որը պետք է իրականացվի Բանգկոկի Սուվաննապհում օդանավակայանում (Սուվարնաբհումի)՝ այնուհետեւ Սամուի մեկնելու համար, որտեղից ճանապարհորդներն արդեն կարող են շարժվել դեպի Փհանգան եւ Տաո կղզիներ: ՏԱՍՍ-ի հետ զրույցում Հարավարեւելյան Ասիայում Tez Tour-ի գլխավոր ներկայացուցիչ Անդրեյ Սնետկովն ասել է, որ «Սամուի, Փանգան եւ Տաո կղզիները կարող են միավորվել մեկ կլաստերի մեջ՝ տրանսպորտային մատչելիության եի սեզոնայնության նմանության տեսանկյունից»:
Թագավորության առողջապահության նախարարությունը հինգշաբթի հայտարարել է օրական 9.1 հազար վարակման եւ ռեկորդային 98 մահվան դեպքի մասին: Այս պահին թագավորությունում վարակվածների ընդհանուր թիվը գերազանցում է 372.2 հազարը, բուժվել է ավելի քան 266.1 հազար մարդ, ավելի քան 3 հազար հիվանդ մահացել է:
