News
Լրահոս
News
Հինգշաբթի
Հոկտեմբեր 21
Տեսնել լրահոսը

ԵՄ-ն հայտարարել է, որ Եվրոպայի չափահաս բնակչության ավելի քան կեսն ամբողջովին պատվաստված է, սակայն Եվրոպայի եւ Ասիայի մի քանի երկրներ պայքարում են նոր բռնկումների դեմ, որոնց պատճառն է արագ տարածվող դելտա տարբերակը, հաղորդում է AFP-ն։

Գերմանիայի կանցլեր Անգելա Մերկելը հայտարարել է, որ իր երկրում հիվանդացության դեպքերն աճում են «երկրաչափական պրոգրեսիայով», մինչդեռ Ճապոնիայում Օլիմպիական խաղերը պետք է բացվեն գրեթե առանց հանդիսատեսի եւ Covid-ի կանոնները պահպանելով։

ԵՄ-ն հայտարարել է, որ 200 միլիոն եվրոպացի է ամբողջովին պատվաստվել, ինչը կազմում է չափահաս բնակչության ավելի քան կեսը, սակայն դեռեւս չի հասել 70 տոկոս նշաձողին, որը հաստատվել էր ամառվա համար։

Մերկելը կոչ է արել գերմանացիներին պատվաստվել՝ ահազանգելով Գերմանիայում նոր բռնկման պատճառով։ «Վարակվածների թիվը դարձյալ աճում է, եւ դա տագնապալի է։ Մենք գրանցում ենք երկրաչափական աճ»,-ասել է Մերկելը՝ հավելելով, որ յուրաքանչյուր պատվաստումը նորմալ կյանքին վերադառնալու փոքր քայլ է։

Հինգշաբշաբթի Գերմանիայում մեկ օրում գրանցվել է վարակվելու 1890 նոր դեպք, իսկ հիվանդության մակարդակը կազմել 100 000 բնակչության համար 12,2 նոր դեպք վերջին յոթ օրում, որը գրեթե կրկնակի գերազանցում է հուլիսի սկզբում գրանցված ցուցանիշը։

«ՀԻվանդության աճը մեզ կարող է ստիպել հավելյալ միջոցներ կիրառել»,-ասել է Մերկելը։

Առողջապահության համաշխարհային կազմակերպությունը հայտարարել է, որ նոր բռնկումները մեծապես պայմանավորված են դելտա տարբերակով, որն առաջին անգամ հայտարբերվել է Հնդկաստանում, որը, ինչպես ակնկալվում է, կդառնա կորոնավիրուսի գերիշխող շտամն առաջիկա ամիսներին։

Այս շաբաթ Ֆրանսիայում սահմանվել են նոր կանոններ, որոնք պահանջում են այսպես կոչված «առողջության անցագրի» առկայություն ավելի քան 50 մարդու ներկայությամբ միջոցառումներին մասնակցելու համար, իսկ օգոստոսին դրանք կտարածվեն ռեստորանների, սրճարանների եւ առեւտրի կենտրոնների վրա։

Մարդիկ պետք է ներկայացնեն պատվաստման ապացույց կամ թեստի բացասական արդյունք, որպեսզի մուտքի հնարավորություն ստանան, քանի որ երկրում հաղորդվել է վարակվելու օրական 21000 նոր դեպքի մասին, ինչն ամենաբարձր մակարդակն է՝ մայիսից ի վեր։

Հիվանդության թիվն աճում է նաեւ Մեծ Բրիտանիայում, որտեղ այս շաբաթ չեղարկվել է սահմանափակումների մեծամասնությունը, իսկ հինգշաբթի բրիտանական սուպերմարկետները նախազգուշացրել են սննդամթերքի հնարավոր պակասի մասին, քանի որ անձնակազմը ստիպված էր ինքնամեկուսանալ։

Ասիայի երկրներում դիտարկվում է այսօրվա դրությամբ ամենաուժգին բռնկումներից մեկը, իսկ Ինդոնեզիան դարձել է նոր համաշխարհային թեժ կետը, Վիենտամն ու Թաիլանդը բախվում են նոր հակավիրուսային կանոնների հետ։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Մեծ Բրիտանիայում ընդունել են երկրում կորոնավիրուսի նոր տեսակի տարածումը
Ավելի վաղ Financial Times-ը՝ գիտնականներին հղումով գրել էր, որ AY.4.2-ը կարող է 10-15 տոկոսով ավելի վարակիչ լինել, քան «դելտան»...
Գեյթսի հիմնադրամը մինչեւ 120 մլն ԱՄՆ դոլար կհատկացնի ցածր եկամուտ ունեցող երկրներին COVID փորձարարական դեղամիջոցի համար
Գումարը կօգնի հիվանդության դեմ առաջին հակավիրուսային հաբերի մշակման եւ արտադրման ջանքերին...
Քաղաքացին վստահ չէ՝ իրեն «ԱստրաԶենեկա»-ո՞վ են պատվաստել, թե՞ «Սպուտնիկ-V»-ով, ԲԿ-ից վստահեցնում են՝ կասկածելու հիմք չկա
Առողջապահության նախարարության խոսնակի կարծիքով՝ միտում չի կարող լինել, հնարավոր է՝ շփոթմունք է եղել տվյալները լրացնելիս…
Լուկաշենկոն պատրաստ է պատվաստվել կորոնավիրուսի դեմ, բայց` բելառուսական պատվաստանյութով
«Հենց բելառուսական պատվաստանյութը սեղանին լինի, մենք անմիջապես թե ձեռքին, թե ոտքին, ուր պետք է կներարկենք...
ԱՀԿ․ Եվրոպան աշխարհում միակ տարածաշրջանն է, որտեղ կորոնավիրուսով վարակման դեպքերի թիվն ավելացել է
Դեպքերի կրճատում է գրանցվել Աֆրիկայում եւ Խաղաղ օվկիանոսի արեւմտյան հատվածում, որտեղ վարակվածների թիվը նվազել է համապատասխանաբար 18 եւ 16 տոկոսով․․․
Իսրայելում կորոնավիրուսի նոր AY.4.2 շտամով վարակման առաջին դեպքն է գրանցվել
Գիտնականները ենթադրում են, որ մուտացիան կարող է 10-15 տոկոսով ավելի վարակիչ լինել, քան հնդկական շտամը։ Շտամն ակտիվ տարածվում է, սակայն դեռ դանդաղ, քան նախնական դելտա շտամը։
Ամենաշատ