Աֆղանստանից ԱՄՆ զորքերի դուրսբերմանը նպաստել է երկրի ղեկավարության տապալումը։ Այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը The New York Times-ին տված հարցազրույցում։
«Առանց ԱՄՆ-ի մնացած դաշնակիցներին դժվար կլիներ շարունակել ռազմական արշավը»,-նշել է Ստոլտենբերգը։
Նա նշել է, որ եվրոպական դաշնակիցների համար դժվար կլիներ հասնել հավելյալ միջոցների տրամադրման եւ Աֆղանստանում զինվորական կոնտինգենտի ավելացման։
«Մենք բոլորս հասկանում էինք, որ դա բարդ որոշում է՝ հեռանալ՝ ռիսկի գնալով, որ «Թալիբան»-ը կվերադառնա կամ մնալ, ինչը կհանգեցներ նոր մարտերի եւ զոհերի»,-հավելել է Ստոլտենբերգը՝ նշելով, որ ՆԱՏՕ-ի բոլոր երկրները գիտակցում էին Քաբուլի կառավարության անկման անխուսափելիությունն ու թալիբների՝ իշխանության գալը։
