Վերջին 14 օրվա տվյալները փաստում են, որ նախորդ 14 օրվա հետ համեմատ ունենք շուրջ 50 տոկոս դեպքերի աճ: Այս մասին այսօր՝ հոկտեմբերի 13-ին, մամուլի ասուլիսի ժամանակ նշեց ՀՀ ԱՆ Հիվանդությունների վերահսկման և կանխարգելման ազգային կենտրոնի վարակիչ և ոչ վարակիչ հիվանդությունների համաճարակաբանության վարչության պետ Ռոմելլա Աբովյանը:
Նրա խոսքով, վարակի վերարտադրողական ցուցանիշը 1-ից բարձր է, ինչը նշանակում է, որ վարակը շատ արագ տեմպերով տարածվում է. «Ցավոք ունենք մանկապատանեկան բոլոր խմբերում 1,5-1,7 անգամ դեպքերի աճ: Բացի այդ, ըստ ԵՄ չափանիշների, մենք արդեն կարմիր գոտուց անցնում ենք վառվող մարմիր գոտի: Հիվանդացության ցուցանիշը 475 է, եթե հասնենք 500-ի, կհայտնվենք վառվող կարմիր գոտում: Հիվանդացությունը բարձր է բոլոր մարզերում, հիվանդութոյւնը երիտասարդացել է եւ ավելի շատ թիրախավորված են 30-50 տարեկան մարդիկ: ԲՆաեւ ունենք դեպքեր երեխաների շրջանում, որոնք ունեն հիվանդանոցի կարիք եւ հիմա ստանում են բուժում»,-ասաց նա:
