News
Լրահոս
News
Երկուշաբթի
Նոյեմբեր 29
Տեսնել լրահոսը

ՀՀ առողջապահության նախարար Անահիտ Ավանեսյանը արդյունավետ է համարում նախարարության՝ 14 օրը մեկ մարդկանց պարտադիր թեստավորվելու պահանջը: Նախարարությունն այժմ ուսումնասիրում է այլ երկրներում թեստավորումների պարբերականությունը և չի բացառում, որ առաջիկայում Հայաստանում պահանջեն թեստավորվել շաբաթը մեկ անգամ:

«Արմենպրես»-ի հաղորդմամբ` այս մասին նախարարն ասաց հոկտեմբերի 16-ին լրագրողների հետ հանդիպմանը:

Նրա խոսքով՝ նման պահանջ սահմանելու իմաստն այն է, որ թեստավորվելուց հետո դրական պատասխան ստանալու պարագայում մարդիկ ինքնամեկուսանան, չգնան աշխատանքի, չվարակեն իրենց գործընկերներին, ընկերներին, անձանց, որոնց հետ հաղորդակցվում են:

Անդրադառնալով պատվաստումներին՝ նա տեղեկացրեց, որ հոկտեմբերի 15-ին իրականացվել է մոտ 17 հազար պատվաստում: «Սա կրկնվող ցուցանիշ է: Վերջին շաբաթվա ընթացքում նման բարձր ցուցանիշը պահպանվում է, և մենք ակնկալում ենք, որ հաջորդ շաբաթ պատվաստվողների թիվն ավելի կմեծանա»,-ասաց նա ու հավելեց, որ պատվաստումների աճին զուգահեռ մեծանում է նաև կորոնավիրուսով վարակվածների թիվը:

Անահիտ Ավանեսյանն ընդգծեց, որ առողջապահական համակարգը գերլարված է: «Աշնանն առհասարակ հիվանդացության աճ է գրանցվում:  Արդեն 1800-ից 1900 նոր մահճակալ է տրամադրվում կորոնավիրուսով հիվանդների բուժման համար, բայց մեր ռեսուրսներն անվերջ չեն. դա միայն մահճակալներին չի վերաբերում, առաջին հերթին՝ բուժաշխատողներին: Մենք պետք է ամեն ինչ անենք հնարավորինս զսպելու առաջիկա երկու կամ երեք շաբաթների ընթացքում հիվանդության տարածումը»,-ընդգծեց նախարարն ու քաղաքացիներին հորդորեց դիմակ կրել փակ տարածքներում, քանի որ դա կարող է կյանքեր փրկել:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Կանադայում հայտնաբերվել են «օմիկրոն» նոր շտամով վարակման առաջին դեպքերը
Օնտարիո նահանգը «պատրաստ է» արձագանքել նոր COVID-19 տարբերակին...
Վրաստանում կորոնավիրուսով վարակման թիվը մեկ օրում ավելացել է 1954-ով
Ըստ StopCov պաշտոնական կայքի՝ համաճարակի սկզբից երկրում գրանցվել է վարակման 840 593 դեպք․․․
Արցախում կորոնավիրուսի 11 նոր դեպք է գրանցվել. 19 հիվանդի վիճակը ծայրահեղ ծանր է
2021 թվականի ընթացքում կորոնավիրուսի լաբորատոր հայտնաբերման նպատակով իրականացվել է 22999 քաղաքացու հետազոտություն, որից 3899-ի մոտ արձանագրվել...
Ռուս խաղաղապահները ԼՂ-ում COVID-19-ի դեմ համալիր միջոցառումներ են իրականացնում
«Ռուսական խաղաղապահ զորախմբի վերապատվաստումն իրականացվում է ըստ նախատեսված կարգի...
ԱՀԿ. COVID-19 տարածները կարող են վարակվել «օմիկրոն» շտամով
Այս պահին օգտագործվող ՊՇՌ թեստերն ի վիճակի են հայտնաբերել նոր շտամով վարակումը...
Գազար, որը «սպանում» է COVID-19-ը
Բուսական հիմքի վրա հակավիրուսային դեղամիջոց տապիսգարգինը (ՏԳ) լաբորատոր պայմաններում արդյունավետորեն սպանում է SARS-CoV-2-ի բոլոր տարատեսակները՝ ներառյալ ամենաարագ տարածվող Դելտա շտամը...