![](img/news/67/97/70/default.jpg)
Վիեննայում Իրանի միջուկային ծրագրի Գործողությունների համատեղ համապարփակ ծրագրի (ԳՀՀԾ) վերականգնման շուրջ բանակցությունները ճիշտ ուղղությամբ են ընթանում։ Այս մասին երեքշաբթի հայտարարել է Իսլամական Հանրապետության արտաքին գործերի նախարարության ղեկավար Հոսեյն Ամիր Աբդոլլահիանը։
«Բանակցությունները [Վիեննայում միջուկային համաձայնագրի շուրջ] ճիշտ ուղղությամբ են ընթանում։ Եթե մյուս մասնակիցները բարեխղճորեն շարունակեն բանակցությունների ռաունդը, որը սկսվել է այս փուլում, մենք լավ համաձայնության կգանք»,- դիվանագետի խոսքերը մեջբերում է IRNA գործակալությունը։
Աբդոլլահիանը պարզաբանել է, որ իրանական պատվիրակությունը կենտրոնացած է փաստաթղթի միասնական տեքստի վրա, իսկ մյուս կողմերը՝ այն հարցերի վրա, որոնք Թեհրանը «փակագծերում» է դրել։ «Մենք աշխատում ենք փակագծերում նշված տարբերությունների շուրջ համաձայնագրի ուղղությամբ»,- հավելել է նախարարը։