News
Լրահոս
News
Կիրակի
Մայիս 29
USD
448.18
EUR
479.46
RUB
6.83
Տեսնել լրահոսը

Իրանի միջուկային ծրագրի Գործողությունների համատեղ եւ համապարփակ ծրագրի (ԳՀՀԾ) փրկությունը ավելի մեծ առաջընթաց է պահանջում, քան այն, ինչին կողմերը հասել են ներկա պահին։ Այս մասին երեքշաբթի հայտարարել է ԱՄՆ պետդեպարտամենտի մամուլի ծառայության ղեկավար Նեդ Փրայսը լրագրողների համար ավանդական ճեպազրույցում։

«[Վիեննայում ԳՀՀԾ վերականգնման բանակցությունների] ներկա փուլը շարունակվում է։ Մենք խոսել ենք համեստ առաջընթացի մասին, որը նկատել ենք վերջին օրերին։ Իհարկե, այդ առաջընթացը պետք է ավելի մեծ լինի, եթե ցանկանում ենք փրկել ԳՀՀԾ-ն եւ ապահովել, որպեսզի [զանգվածային ոչնչացման զենքի] չտարածման առավելությունները, որոնք տալիս է ԳՀՀԾ-ն, չնվազեցվեն, զրոյի չհանգեցվեն, ոչնչացվեն ձեռքբերումներով, որոնց հասել է Իրանն իր միջուկային ծրագրում»,- ասել է դիվանագետը։

Փրայսը չմտածված է անվանել ԱՄՆ 45-րդ նախագահ Դոնալդ Թրամփի վարչակազմի՝ ԳՀՀԾ-ից դուրս գալու որոշումը։ Նա ընդգծել է, որ պետության ներկայիս ղեկավար Ջո Բայդենը պաշտոնն ստանձնել է «առանց իրանական միջուկային ծրագրի ստուգման եւ մոնիթորինգի այդ խիստ ընթացակարգերի, որն ապահովում էր ԳՀՀԾ-ն։ Դիվանագետն ավելացրել է, որ միջուկային գործարքն ուղղված է այն բանին, որպեսզի «մշտապես եւ ստուգվող ճանապարհով կանխվի Իրանի միջուկային զենք ունենալը»։

Նա հերթական անգամ քննադատել է Թրամփին, որը խոստացել էր «լավագույն գործարք» ԳՀՀԾ-ի փոխարեն։ «Իսկ իրականում ուղիղ հակառակն է։ Այն ժամանակվանից, երբ նախորդ վարչակազմը դուրս է եկել ԳՀՀԾ-ից, Իրանը հնարավորություն է ստացել ամենակարճ ժամկետում կատարել իր խոստումները միջուկային ոլորտում»,- ասել է ամերիկյան արտաքին քաղաքական գերատեսչության պաշտոնական ներկայացուցիչը։

«Մեզ ասացին, որ [ԳՀՀԾ-ից դուրս գալուց հետո]  մենք ավելի լավ վիճակում կլինենք, որպեսզի դիմակայենք մարտահրավերների այն ամբողջ համալիրին, որոնք նետում է Իրանը՝ լինեն բալիստիկ հրթիռները, ահաբեկչությանը սատարելը, թե մարդու իրավունքների խախտումները։ Ինչպե՞ս մենք պետք է անեինք դա, եթե այդ որոշման հետեւանքով մեկուսացման մեջ հայտնվեց Միացյալ Նահանգները, ոչ թե Իրանը»,- ամփոփել է Փրայսը։

Հունվարի 3-ին Ավստրիայի մայրաքաղաքում ամանորյա ընդմիջումից հետո վերսկսվեց բանակցությունների ութերորդ ռաունդը, որոնց նպատակն է ԳՀՀԾ վերստեղծումը նախնական ձեւով եւ ԱՄՆ վերադարձն այդ բազմակողմ համաձայնությանը։ Իրանի եւ միջազգային  միջնորդների «հնգյակի (Ռուսաստան, Մեծ Բրիտանիա, Գերմանիա, Չինաստան եւ Ֆրանսիա) համատեղ հանձնաժողովի նիստի արդյունքներով՝ կողմերը պայմանավորվել են արագացնել համաձայնագրի նախագծի պատրաստման գործընթացը եւ այն ավարտել փետրվարի սկզբին։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Իսրայելի եւ Ադրբեջանի հակաիրանական միությունը. Մաս 1՝ «Հումանիտար ծրագրեր». Ռիբար» Telegram-ալիք
Իսրայելի եւ Ադրբեջանի միջեւ դեռեւս 90-ականներից ի վեր սերտ համագործակցություն է ծավալվել:
Լավրովը Իրանի ԱԳ նախարարի հետ քննարկել է միջուկային գործարքի վերականգնման հեռանկարները
Հիմնական ուշադրությունը դարձվել է երկկողմ հարաբերությունների առանցքային հարցերին, ինչպես նաեւ․․․
Իրանը միջուկային գործարքի վերաբերյալ հատուկ նախաձեռնություններ է ներկայացրել․ ԻԻՀ ԱԳՆ ներկայացուցիչ
«Եթե ԱՄՆ-ն հայտարարի իր քաղաքական որոշման մասին, ապա մենք կարող ենք քայլեր ձեռնարկել այդ ուղղությամբ։ Մորան Իրան է այցելել հատուկ ․․․
Բորելը հույս ունի, որ բանակցություններն Իրանի հետ կարող են հանգեցնել համաձայնագրի ստորագրման
Ժոզեպ Բորելը հույս ունի, որ Իրանի հետ համաձայնագիրը կստորագրվի...
Իրանի միջուկային համաձայնագրի վերսկսման շուրջ բանակցությունների ԵՄ համակարգողը մեկնում է Թեհրան
ԵՄ-ն փորձում է փրկել իրանական միջուկային համաձայնագիրը իր վերջին ուժերով․ Financial Times
Բորելը դիտարկում է մի սցենար, որտեղ ԳՀՀԾ-ի արգելքը հանվում է, բայց պահպանվում է կազմակերպության այլ մասերի համար, որոնք «ունեն բազմաթիվ զենքեր եւ լայնածավալ բիզնես կայսրություն», ըստ FT-ի:
Ամենաշատ