Վերսկսելու նիստը՝ դատավոր Աննա Դանիբեկյանը մերժեց Արմեն Գեւորգյանի՝ ԵԽԽՎ հանձնաժողովների նիստին եւ գործընկերների հետ հանդիպումներին մասնակցելու համար Ստրասբուրգ մեկնելու միջնորդությունը։
Ավելի վաղ ընդմիջում էր հայտարարվել, որպեսզի Արմեն Գեւորգյանը ներկայացնի այն փաստաթղթերը, որոնք դատավորը պահանջել էր որոշում կայացնելու համար։ Ուսումնասիրելով ներկայացված փաստաթղթերը՝ դատավորը հայտարարեց, որ դրանք պարունակում են տեղեկություններ մարտի 17-ի միջոցառումների մասին, իսկ մարտի 18-ի միջոցառումների մասին տեղեկություն չկա։
Դատավորը հիշեցրեց, որ Գեւորգյանի նկատմամբ որպես խափանման միջոց ընտրվել է չհեռանալու մասին ստորագրություը, այսինքն՝ սահմանը հատելու արգելք կա։ Քանի որ Գեւորգյանը հայտարարեց, որ նիստերին մասնակցելը հնարավոր է առցանց տարբերակով, եւ չկարողացավ փաստաթղթերով հաստատել մարտի 18-ի նիստերի մասին, քանի որ ծանրակշիռ փաստարկներ չեն ներկայացվել, դատավորը մերժեց միջնորդությունը։
«Դատավարությունը վերածում եք խեղկատակության եւ վարկաբեկում եք ԱԺ հեղինակությունը»,- վրդովված ասաց Գեւորգյանը՝ խոստանալով այսուհետ չմասնակցել դատական նիստերին, որոնք խախտում են իր պարտավորությունները որպես պատգամավոր եւ որպես ԵԽԽՎ-ում հայկական պատվիրակության անդամ։