ՄԱԳԱՏԷ-ի ղեկավար Ռաֆայել Մարիանո Գրոսին հայտարարել է, որ իր այցը Թեհրան կարող է «ուղի հարթել» ԳՀՀԾ-ի վերածնման համար, գրում է Bloomberg-ը։
Նրա լավատեսությանը Վիեննայում ընթացքող քննարկմանը պաշտպանել են դիվանագետները։
Ռուսաստանի դեսպան Միխայիլ Ուլյանովն ասել է, որ կողմերը «վերջնագծում են», եւ գործարքը հնարավոր է 48 ժամվա ընթացքում։ Բանակցությունների բոլոր կողմերը եւս հայտարարել են, որ համաձայնություն են ակնկալում հաջորդ շաբաթվա սկզբին:
Իրանը պահանջել է, որ Ատոմային էներգիայի միջազգային գործակալությունն ավարտին հասցնի միջուկային աշխատանքների հետաքննությունը՝ որպես 2015թ․ համաձայնագրի երկարաձգման գործարքի մի մաս, որը սահմանափակում էր Իսլամական Հանրապետության միջուկային ծրագիրը՝ պատժամիջոցների թուլացման դիմաց։
Արեւմտյան բանակցողները մինչ օրս հայտարարում էին, որ դա անհնար է, քանի որ ՄԱԳԱՏԷ-ն գործում է անկախ եւ չունի հետաքննությանը խոչընդոտելու իրավասություն: Բայց Գրոսին Bloomberg Television-ին տված հարցազրույցում հասկացրել է, որ հնարավոր է գործարքի կնքում՝ թեեւ մի շարք հարցեր պետք է պարզել նախքան հետաքննությունը։
Գրոսիի խոսքով՝ բանակցությունների մասնակիցները խորհրդակցում են ՄԱԳԱՏԷ-ի պաշտոնյաների հետ, քանի որ բանակցությունները մոտենում են ավարտին: Դիվանագետները զգուշացնում են, որ համաձայնագիրը փրկելու համար ընդամենը մի քանի օր կա։
«Այս բանակցությունները մոտենում են վճռորոշ կետի»,- ասել է Գրոսին, ում հետաքննության հետ կապված նախկին փորձերը ձախողվել են: «Մենք շատ քրտնաջան աշխատում ենք՝ համաձայնության հասնելու համար»,- հավելել է նա։