Հյուսիսային Կորեայում կոչ են արել ակտիվացնել երկրում COVID-19-ի տարածումը կանխելու ջանքերը։
The Rodong Sinmun թերթում, որը Կորեայի կառավարող Աշխատանքային կուսակցության օրգանն է, քաղաքացիներին կոչ են արել չկորցնել զգոնությունը եւ ընդգծել են, որ հակավիրուսային միջոցների անգամ մեկանգամյա խախտումը կարող է շարքից հանել երկրում ստեղծված կարանտինի համակարգը։
«Մեր ամենավտանգավոր թշնամին հենց հիմա, այն ժամանակ, երբ արտակարգ հակավիրուսային ջանքերը ձգձգվել են, անուշադրությունն ու անկազմակերպվածությունն են»,- նշվել է թերթում հրապարակված հոդվածում։
Ինչպես տեղեկացրել է «Ռենհափ» գործակալությունը, Հարավային Կորեայի հետախուզության տվյալներով՝ անցած չորեքշաբթի Հյուսիսային Կորեայում մտցված ժամանակավոր կարանտինը, ենթադրաբար, կարող էր կապված լինել COVID-19-ի հետ։ Բայց չի բացառվում նաեւ ջրի միջոցով փոխանցվող հիվանդությունների, օրինակ՝ որովայնային տիֆի բռնկման հավանականությունը։
Այնինչ, Փհենյանը նախապես հայտարարել էր երկրում COVID-19-ի դեպքեր չլինելու մասին։
2020թ. հունվարի վերջից կորոնավիրուսի պատճառով Հյուսիսային Կորեայի սահմանները լրիվ փակվել են օտարերկրացիների եւ երկրի քաղաքացիների համար։