News
Լրահոս
News
Երեքշաբթի
Հուլիս 05
USD
407.52
EUR
425.9
RUB
7.41
Տեսնել լրահոսը

Ադամանդների գները բարձրանում են, քանի որ պատժամիջոցները լեռնարդյունահանման արդյունաբերության համաշխարհային երկու հսկաներից մեկի դեմ տարածվում են մատակարարումների ողջ շղթայի վրա։ Նախկինում ճյուղը կարող էր դիմել De Beers հսկային երբ առաջարկը սահմանափակ էր, լրացուցիչ թանկարժեք քարեր ստանալու համար, բայց ոչ այս անգամ։

Ինչպես գրել է Bloomberg-ը՝ հղում կատարելով իր աղբյուրին, ոչ մեծ անմշակ ադամանդի գինը մարտի սկզբից բարձրացել է մոտ 20 տոկոսով։ Պատճառն այն է, որ ադամանդ մշակողները եւ թրեյդերները փորձում են գտնել քարերի մատակարարման աղբյուրներ այն բանից հետո, երբ ԱՄՆ-ը պատժամիջոցներ մտցրեց De Beers-ի ռուսական մրցակցի՝ «ԱԼՌՈՍԱ» հանրային բաժնետիրական ընկերության դեմ, որին բաժին է ընկնում համաշխարհային արտադրության մոտ մեկ երրորդը։

Ադամանդների ժամանակակից պատմության մեծ մասի ընթացքում այժմ ստեղծվել է իրադրություն, երբ De Beers-ը կարող էր օգտագործել իր հսկայական պաշարները կամ պարզապես գործի դնել ադամանդների արդյունահանման ծածուկ հզորությունները։ Մոտ 20 տարի առաջ Լոնդոնի նրա չհրկիզվող պահարաններում պահպանվում էին, հնարավոր է, 5 միլիարդ դոլար արժողությամբ ադամանդներ։

Այդ ժամանակները վաղուց արդեն անցել են։ Ընկերությունը միայն աշխատանքային պաշարներ ունի, իսկ նրա հանքերը աշխատում են լրիվ հզորությամբ։ Մինչեւ 2024թ. (երբ կավարտվի Հարավային Աֆրիկայում կարեւոր հանքավայրի ընդլայնումը) մատակարարումների էական ավելացման հավանականությունը փոքր է։

De Beers-ը նաեւ համեմատաբար քիչ է արտադրում այնպիսի ադամանդներ, որոնց գծով մասնագիտանում է «ԱԼՌՈՍԱ»-ն՝ փոքր եւ էժան թանկարժեք քարեր, որոնք դրվում են ավելի մեծ քարի շուրջը՝ կենտրոնում, կամ օգտագործվում են ոչ թանկ ոսկերչական իրերի վրա, օրինակ՝ Walmart-ի կամ Costco-ի։

Շատերի համար այս հատվածում դա կնշանակի աճող պակասուրդ, եթե «ԱԼՌՈՍԱ»-ն եւ նրա առեւտրային գնորդները չկարողանան շրջանցիկ ճանապարհ գտնել։

Աղբյուրների խոսքով՝ «ԱԼՌՈՍԱ»-ն ապրիլին հանել է իր վերջին վաճառքը եւ հազիվ թե նորից այս ամիս մեծ ծավալներ վաճառի։ Նրանց խոսքով՝ պարզ չէ, թե երբ ընկերությունը նորից կկարողանա նորմալ վաճառք իրականացնել, անգամ չնայած այն բանին, որ ընկերությունը, բանկերը եւ գնորդները լուծումներ են որոնում։

«ԱԼՌՈՍԱ»-ի մամուլի ծառայությունում մեկնաբանություններից հրաժարվել են։ ԱՄՆ-ի ֆինանսների նախարարության արտոնագրի ժամկետը, որը թույլ էր տալիս  գործարքներ կատարել ընկերության հետ, լրացել է մայիսի 7-ին։

Չնայած ամերիկյան հայտնի «ոսկերիչներ» Tiffany & Co.-ն եւ Signet Jewelers Ltd.-ն հայտարարել են, որ դադարեցնելու են Ռուսաստանում արդյունահանված նոր ադամանդներ գնելը, մանրածախ առեւտրականներն անպիսի երկրներում, ինչպիսին են Չինաստանը, Հնդկաստանը եւ Մերձավոր Արեւելքի երկրները, չեն հետեւել նրանց օրինակին։

Այս դինամիկան երկյուղներ է առաջացնում՝ կապված այն բանի հետ, որ Ռուսաստանի ադամանդները կվաճառվեն որպես այլ ծագում ունեցող թանկարժեք քարեր։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԵՄ-ն վերակառուցման հարթակ կստեղծի Ուկրաինայի վերականգնումը համակարգելու համար
«Պատերազմի սկզբից ի վեր Եվրամիությունը մոբիլիզացրել է մոտ 6,2 միլիարդ եվրո ֆինանսական աջակցություն․․․
Լիտվան Թուրքիայից Bayraktar-ներ է ստացել, որոնք կփոխանցի Ուկրաինային
Baykar ընկերությունը հունիսին հայտարարել է, որ ծրագրում է անօդաչու թռչող սարքեր նվիրաբերել Ուկրաինային․․․
Բուլղարիայից ռուս դիվանագետների արտաքսման իրավիճակում ՌԴ-ն փոխադարձաբար կպատասխանի բուլղարացի գործընկերներին. Լավրով
Բուլղարիայից ռուս դիվանագետների արտաքսումը Բուլղարիայի վարչապետի պաշտոնակատար Կիրիլ Պետկովի կողմից ձեռնարկված անկախ քայլ չէ․․․
Լավրովը կոչ է արել պարզել Թուրքիայի ափերի մոտ ռուսական բեռնատար նավի կալանավորման հետ կապված իրավիճակը
Նավը, կարծես, իսկապես ռուսական է՝ Ռուսաստանի դրոշի ներքո, ըստ իս՝ պատկանում է Ղազախստանին, իսկ բեռը տեղափոխվել է Էստոնիայի եւ Թուրքիայի միջեւ պայմանագրով․․․
Չավուշօղլուն ասել է, որ «հացահատիկի միջանցքի» աշխատանքի մեկնարկը հիմնականում կախված է Ռուսաստանից
Ուկրաինական նավահանգիստներից հացահատիկի դուրսբերման միջանցքի աշխատանքը զգալի չափով կախված է Ռուսաստանից, ասել է Չավուշօղլուն...
Քիսինջերը ճշտել է Ռուսաստանի եւ Ուկրաինայի միջեւ հակամարտության կարգավորման իր դիրքորոշումը
Քիսինջերը մտավախություն է հայտնել, որ հակամարտությունն Ուկրաինայի եւ Ռուսաստանի միջեւ կարող է վերաճել մի ինչ-որ անկառավարելի բանի...
Ամենաշատ
Ֆոտոռեպորտաժներ