News
Լրահոս
News
Երկուշաբթի
Հունիս 27
USD
408.56
EUR
430.54
RUB
7.67
Տեսնել լրահոսը

ԱՊՀ երկրների կառավարությունների ղեկավարները կայացած նիստում հավանության են արժանացրել Միասնական գիտատեխնոլոգիական տարածքի ստեղծման մասին համաձայնագրում նախատեսվող փոփոխությունները: Այս մասին ուրբաթ հայտնել է ԱՊՀ Գործադիր կոմիտեի մամուլի ծառայությունը:

«Փաստաթուղթը տարիներ առաջ է ընդունվել եւ արդիականացման կարիք ուներ՝ գիտության, տեխնոլոգիաների, նորարարությունների զարգացման ժամանակակից պայմաններին համապատասխան»,- ասվում է հաղորդագրությունների մեջ:

Ինչպես հայտնում են մամուլի ծառայությունից, համաձայնագիրը համալրվել է նոր դրույթներով, որոնք առնչվում են գիտատեխնիկական, տեխնոլոգիական եւ ինովացիոն ոլորտներում միջպետական համագործակցության համակարգի ձեւավորմանը, այդ ոլորտներում ինտեգրման խորացմանը, գիտական, գիտատեխնիկական, տեխնոլոգիական եւ ինովացիոն նախագծերի մշակմանը եւ իրագործմանը:

Տեղեկատվական անվտանգության ապահովում

ԱՊՀ երկրների կառավարութունների ղեկավարների կողմից հաստատվել է մինչեւ 2030 թվականը տեղեկատվական անվտանգության ապահովման ռազմավարության իրականացմանն ուղղված առաջնային միջոցառումների իրականացման ծրագիրը:

 Գործադիր կոմիտեից հավելել են, որ ծրագիրը հաշվի է առնում արդեն իսկ գոյություն ունեցող մոտեցումները եւ լավագույն պրակտիկան, որը մշակվել է տվյալ ոլորտում: Ակնկալվում է, որ դա թույլ կտա ապահովել ԱՊՀ երկրների իրավասու եւ շահագրգռված մարմինների համաձայնեցված գործողությունները: Գործադիր կոմիտեի տվյալներով՝ աշխատանքը ղեկավարելու է կապի հարցերով տարածաշրջանային համագործակցությանն առընթեր համակարգող խորհուրդը:  

«Միջոցառումների ծրագրի ընդունումը թույլ կտա համակարգային հիմք ստեղծել տեղեկատվական անվտանգության ապահովման պետական քաղաքականության կատարելագործման համար: Դրա դրույթների իրագործումը, որոնք ուղղված են տեղեկատվական ոլորտում շահերի պաշտպանությանը, թույլ կտա պայմաններ ապահովել՝ դիմակայելու համապատասխան մարտահրավերներին եւ սպառնալիքներին»,- հավելել են գերատեսչությունից:

Կենսաանվտանգությունն ԱՊՀ-ում

Բացի այդ, ԱՊՀ երկրների կառավարությունների ղեկավարները փաստաթուղթ են ընդունել կենսաանվտանգության ապահովման ոլորտում համագործակցության մասին:  

Մանսավորապես, համաձայնագիր է ստորագրվել կենսաբանական նյութերի փոխանակման մասին:

Այդ համաձայնագրից բացի, կառավարությունների ղեկավարները ԱՊՀ երկրների համատեղ գործողությունների փաթեթ են հաստատել՝ ուղղված մինչեւ 2026 թվականը գյուղատնտեսական կենդանիների վերարտադրման ժամանակ գենետիկ նյութերի կենսաանվտանգության ապահովմանը:

Ընդհանուր առմամբ, Համագործակցության երկրների կառավարությունների ղեկավարների խորհրդի նիստում 10 փաստաթուղթ է ընդունվել:

Նիստն ուրբաթ կայացել է տեսաժողովի ձեւաչափով:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Արթուր Դավթյանը պարգևատրվել է «ԱՊՀ երկրների պատվավոր դատախազ» կրծքանշանով
Այս կրծքանշանը շնորհվում է ԱՊՀ անդամ պետությունների գլխավոր դատախազությունների ․․․
Պապիկյանը Մոսկվայում մասնակցել է ԱՊՀ պաշտպանության նախարարների խորհրդի հերթական նիստին (ֆոտո)
Հունիսի 24-ին, Մոսկվայում, ՀՀ պաշտպանության նախարար Սուրեն Պապիկյանը մասնակցել է ․․․
ԱՊՀ-ն հումանիտար ականազերծման միավորված ջոկատ կունենա
Խորհրդի 80-րդ նիստի գործնական եւ կառուցողական բնույթը հերթական անգամ հաստատել է, որ Անկախ Պետությունների Համագործակցության ձեւաչափով պաշտպանական եւ ռազմական փոխգործակցությունը հետեւողականորեն զարգանում է․․․
ԱՊՀ պաշտպանության նախարարները հաստատել են զինված ուժերի համատեղ միջոցառումները 2023թ․ համար
Հաստատվել է մինչեւ 2025 թվականն ընկած ժամանակահատվածում ԱՊՀ անդամ պետությունների զինված ուժերի չափագիտական ապահովման կատարելագործմանն ուղղված համատեղ աշխատանքի ծրագիրը․․․
Մոսկվայում տեղի է ունենում ԱՊՀ երկրների պաշտպանության նախարարների խորհրդի հոբելյանական նիստը
Համատեղ աշխատանքի տարիների ընթացքում ձեւավորվել է վստահելի հարաբերությունների մթնոլորտ․․․
Սուրեն Պապիկյանը մեկնել է Մոսկվա
Ռուսաստանի Դաշնությունում հունիսի 24-ին կայանալիք ԱՊՀ մասնակից…
Ֆոտոռեպորտաժներ