News
Լրահոս
News
Հինգշաբթի
Հուլիս 07
USD
409.38
EUR
417.16
RUB
6.5
Տեսնել լրահոսը

Միջազգային հանրությունը պետք է իջեցնի առեւտրային շեմը գնաճի դեմ պայքարի համար։ Այսպիսի կոչ է արվել Արժույթի միջազգային հիմնադրամի (ԱՄՀ) կարգադրիչ-տնօրեն Կրիստալինա Գեորգիեւայի, նրա առաջին տեղակալ Գիտա Գոպինատի եւ ԱՄՀ-ի ռազմավարության, քաղաքականության եւ վերլուծության հարցերի վարչության տնօրեն Ջեյլա Պազարբաշիօղլուի՝ երկուշաբթի հրապարակված համատեղ հոդվածում։

Նրանք կոչ են արել «վերականգնել վստահությունը կանոնների վրա հիմնված գլոբալ տնտեսական համակարգի հանդեպ»։ «Մենք կարող ենք սկսել հենց հիմա՝ իջեցնելով առեւտրային շեմը, որպեսզի հաղթահարենք դեֆիցիտը եւ իջեցնենք մթերքների եւ այլ ապրանքների գները։ Ոչ միայն երկրները, այլեւ ընկերությունները պետք է դիվերսիֆիկացնեն ներմուծումը, որպեսզի ապահովեն մատակարարումների շղթայի անվտանգությունը եւ պահպանեն գլոբալ ինտեգրման հսկայական առավելությունները բիզնեսի համար»,- նշել են հոդվածի հեղինակները։

Առեւտրի, տեխնոլոգիական չափորոշիչների եւ անվտանգության հարցերում  առկա լարվածությունը, նշել են նրանք, արդեն քանի տարի խորանում է՝ խափանելով վստահությունը ներկայիս գլոբալ տնտեսական համակարգի հանդեպ։ ԱՄՀ-ի տվյալների համաձայն՝ առեւտրային քաղաքականության հարցում միայն անորոշությունը 2019թ. հանգեցրել է  համաշխարհային ՀՆԱ-ի նվազման գրեթե 1 տոկոսով։ Ընդ որում՝ Ուկրաինայում Ռուսաստանի հատուկ ռազմական գործողության սկզբից մոտ 30 երկիր սահմանափակել է պարենի, էներգակիրների եւ այլ կարեւոր ապրանքների առեւտուրը, նշվել է հոդվածում։

ԱՄՀ-ում նաեւ  կոչ են արել օգնություն ցուցաբերել աղքատ երկրներին՝ թեթեւացնելու համար նրանց պարտքի բեռը, արդիականացնել միջազգային դրամական փոխանցումները ցածր վճարով գլոբալ պլատֆորմի ստեղծման ճանապարհով եւ պայքարել կլիմայի փոփոխությամբ պայմանավորված ճգնաժամի դեմ։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԱՄՀ-ի ղեկավարը հնարավոր է համարել համաշխարհային ռեցեսիան 2023թ.
Կրիստալինա Գեորգիեւան չի բացառել համաշխարհային ռեցեսիայի հնարավորությունը...
ՀԲ գլխավոր տնտեսագետը չի համարում, որ համաշխարհային տնտեսությունը կարող է խուսափել ռեցեսիայից
Հարցին՝ արդյո՞ք ԱՄՆ-ում կամ ամբողջ աշխարհում կարելի է խուսափել ռեցեսիայից, Ռեյնհարթը պատասխանել է. «Ես բավականին թերահավատորեն եմ տրամադրված»...
Աշխարհի համար 50 տոկոս հավանականությամբ ճգնաժամ է կանխատեսվում
Ամերիկացի վերլուծաբաններն աշխարհի համար 50 տոկոս հավանականությամբ ճգնաժամ են կանխատեսել...
Համաշխարհային բանկը կտրուկ վատացրել է համաշխարհային տնտեսության հեռանկարները
Համաշխարհային բանկը կտրուկ վատացրել է համաշխարհային տնտեսության հեռանկարները՝ մատնանշելով Ուկրաինայի պատերազմը, պարենի համատարած դեֆիցիտի հեռանկարը ․․․
Պարենի գլոբալ «աղետալի» ճգնաժամը կարող է հանգեցնել քաղաքացիական անկարգությունների եւ սովի
Պարենային ապրանքների գների աճը եւ պաշարների ոչնչացումը կարող են շարունակվել մինչեւ 2024 թվականը եւ «գուցե ավելի երկար»․․․․
Համաշխարհային բանկը 2019 թվականին համաշխարհային տնտեսության աճի կանխատեսումը նվազեցրել է մինչեւ 2,5 տոկոսի
Աճի նվազումը շարունակվել է տնտեսական քաղաքականության անորոշության եւ գլոբալ ներդրումների հոսքերի ու առեւտրի կրճատման ֆոնին…
Ամենաշատ
Ֆոտոռեպորտաժներ