News
Լրահոս
News
Երեքշաբթի
Մարտ 19
Տեսնել լրահոսը

Համաձայնագիրը ստորագրվել է 2018 թվականի նոյեմբերի 2-ին՝ Հայաստանի, Բելառուսի, Ղազախստանի, Ռուսաստանի Դաշնության, Տաջիկստանի եւ Ուզբեկստանի կառավարությունների կողմից։ Այս մասին Ազգային ժողովի արտահերթ նիստում «Տիեզերական տարածքի հետախուզման եւ խաղաղ նպատակներով օգտագործման ոլորտում Անկախ պետությունների համագործակցության մասնակից երկրների համատեղ գործունեության իրականացման մասին» համաձայնագրի վավերացման հարցի քննարկման ժամանակ ասաց հանրապետության բարձր տեխնոլոգիական արդյունաբերության փոխնախարար Ավետ Պողոսյանը:

Համաձայնագրի նպատակը, նրա խոսքով, տիեզերական տարածքի հետախուզման եւ խաղաղ նպատակներով օգտագործման ոլորտում բազմակողմ համագործակցության իրավական եւ կազմակերպչական հիմքերը սահմանելն է, ինչպես նաեւ իրավական դաշտի ստեղծմանը նպաստելը՝ համատեղ տիեզերական գործունեության որոշակի ոլորտներում համաձայնագրերի եւ այլ պայմանավորվածությունների մշակման համար:

Համաձայնագիրը, ինչպես նշեց փոխնախարարը, ուժի մեջ է մտել 2019 թվականի սեպտեմբերի 20-ին։ Միայն Հայաստանը չի վավերացրել այն։ «Համաձայնագիրը սահմանում է համագործակցության հետեւյալ շրջանակները՝ հիմնարար եւ կիրառական տիեզերական հետազոտություններ, ներառյալ տիեզերական միջավայրի հեռահար զոնդավորում, աստղագիտական հետազոտություններ, Երկրի հեռահար զոնդավորում, համակարգման-ժամանակային եւ դիրքային աջակցություն, տիեզերական աղբի ոչնչացման խնդրի լուծում, աստղակերպային եւ գիսաստղային սպառնալիքներ եւ այլն»,- պարզաբանեց Պողոսյանը։

Համաձայնագրի շրջանակներում համագործակցության հնարավորություն կներկայացվի արբանյակային նավիգացիոն համակարգերի, տեխնոլոգիաների, ինչպես նաեւ դրանց հետ կապված ծառայությունների ոլորտում։ Այն նաեւ թույլ կտա տիեզերական գործունեության արդյունքներն օգտագործել սոցիալ-տնտեսական զարգացման տարբեր ոլորտներում, պաշտպանել տիեզերական միջավայրը, կանխել եւ վերահսկել տիեզերական աղբի կուտակումը, հետազոտություններ կատարել բնական ռեսուրսների առկայության վերաբերյալ եւ այլն։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Bild. Հայաստանում գերմանացիները սկաֆանդրներ և տիեզերական ռոբոտներ են փորձարկում Ադրբեջանի և Թուրքիայի հետ սահմանին
Մասնագետների գնահատմամբ՝ մոտ 15 տարի կանցնի, մինչև մարդիկ առաջին անգամ ոտք դնեն Մարս...
Պուտինը հանձնարարել է զբաղվել տիեզերքում միջուկային էներգետիկ կայանք տեաղկայելու ծրագրով
Նա ասել է, որ Ռուսատանը մեծ կարողություններ ունի այս ոլորտում․․․
Չինաստանը եւ Ռուսաստանը պատրաստվում են ատոմային էլեկտրակայան կառուցել Լուսնի վրա
Չինաստանը եւ Ռուսաստանը քննարկում են Լուսնի վրա ատոմակայան կառուցելու հնարավորությունը...
Հայտնաբերվել է ավելի քան 13 միլիարդ տարեկան ամենահին աստղային կուտակումը. Nature
Թվում է, թե ամեն ինչ ավելի արագ և կտրուկ է տեղի ունեցել վաղ Տիեզերքում, և դա կարող է ներառել...
Երեւանում կայացել է Հայաստանի տիեզերական ներուժի եւ ապագայի մասին թեմատիկ երեկո
Հեռուստապոեմը ներկայացնում է նաեւ AMADEE-24-ի նախապատմությունը եւ թե ինչպես է ավստրիական տիեզերական ֆորումը Մարս մոլորակի սիմուլյացիոն առաքելությունը...
Եվրոպայում ծրագրում են օգտակար բեռներ փոխադրել Մարսի ուղեծիր
Փոխադրող տիեզերանավը նախատեսվում է համալրել էլեկտրական շարժիչ ունեցող համակարգով...
Ամենաշատ