Մոտ 100 ընկերություններ կազմում են համաշխարհային ՀՆԱ-ի մինչեւ 70 տոկոսը։ Միջազգային արտադրանքի ստեղծման համակարգում Հայաստանի մասնակցությունը մեծացնելու համար անհրաժեշտ է ապահովել տրանսազգային ընկերությունների ներգրավումը։ Այս մասին հուլիսի 22-ին, ելույթ ունենալով «Հայաստանում գործարար միջավայրի բարելավում» USAID ծրագրի կողմից մշակված ներդրումային բարեփոխումների ճանապարհային քարտեզի շնորհանդեսին, հայտարարեց միջազգային փորձագետ Հենրի Լոնդելը։
Այս համատեքստում, ինչպես նշեց փորձագետը, չափազանց կարեւոր է ուժեղացնել այն ընկերությունները, որոնք կենտրոնացած են ոչ միայն տարածաշրջանի երկրներ, այլեւ դրանից դուրս իրենց արտադրանքի արտահանման վրա։ Լոնդելի կարծիքով՝ անհրաժեշտ է ուսումնասիրել արդեն գործող ընկերությունների ներուժը, ուղղորդել նրանց տրանսազգային ընկերությունների հետ համագործակցության՝ գործունեության համատեղման կամ գոյություն ունեցող ցանցերը օգտագործելու միջոցով։
«Դա թույլ կտա տեղական ընկերությունների մասնակցությունը միջազգային տնտեսությանը։ Բացի այդ, ներդրումային ծրագրերի իրականացման մեջ պետք է ներգրավել նաեւ հայկական սփյուռքին։ Տրանսազգային ընկերությունների ներգրավումը կնպաստի բարձր աշխատավարձով աշխատատեղերի ավելացմանը, ինչպես նաեւ տեխնոլոգիաների զարգացմանը եւ երկրի տարածաշրջանային զարգացմանը։ Ճանապարհային քարտեզում զգալի տեղ է հատկացվում նաեւ մարզերում կատարվող ներդրումներին»,- ասաց փորձագետը։