News
Լրահոս
News
Հինգշաբթի
Դեկտեմբեր 08
USD
395.53
EUR
393.43
RUB
6.42
Տեսնել լրահոսը

Վիեննայում Գործողությունների համատեղ եւ համապարփակ ծրագրի շուրջ բանակցություններում Իրանի բանակցային խմբի խորհրդական Մոհամադ Մարանդին հայտարարել է, որ Իրանը ցանկանում է բանակցություններում ստանալ իր իրավունքները երաշխավորող համաձայնագիր, տեղեկացրել է Mehr-ը։

Ի պատասխան «եվրոպական եռյակի» (Ֆրանսիա, Անգլիա եւ Գերմանիա) Իրանի մասին համատեղ հայտարարության՝ Մոհամադ Մարանդին Al Mayadeen-ի հարցազրույցում ասել է, որ Իրանը չի խախտել միջուկային համաձայնագիրը, իսկ այդ երեք եվրոպական երկրները հետեւում են Սպիտակ տան քաղաքականությանը։

Իրանը գիտի, որ առանց համաձայնագրի եւ Արեւմուտքի անհիմն մեղադրանքները դադարեցնելու՝ ցանկացած միջուկային գործարք կձախողվի, ավելացրել է նա։

«Մենք չենք կարող վստահել ԱՄՆ-ին եւ Եվրոպային։ Այդ երեք եվրոպական երկրները ԱՄՆ-ի դաշնակիցներն են եւ չեզոք չեն (միջուկային բանակցություններում), եւ մենք չպետք է հիմարացվենք նրանց քարոզչությամբ»,- ընդգծել է նա՝ ավելացնելով, որ ԱԷՄԳ-ի տնօրենը «ենթարկվում է Եվրոպային եւ ԱՄՆ-ին»։

«Իրանը պատրաստ է ստորագրել համաձայնագիրը, իսկ եվրոպացիներին այն (համաձայնագիրը) ավելի շատ է պետք, որովհետեւ նրանք գազի կարիք ունեն։ Որքան ավելի երկար հետաձգվի համաձայնագրի ստորագրումը, այնքան ավելի կմեծանան Եվրոպայի խնդիրները ձմռան մոտենալով պայմանավորված»,- ավելացրել է Մարանդին։

Մինչ այդ Ֆրանսիան, Մեծ Բրիտանիան եւ Գերմանիան հայտարարել էին, թե հիասթափված են բանակցություններում Իրանի՝ 2015թ. միջուկային համաձայնագիրը (Գործողությունների համատեղ եւ համապարփակ ծրագիր՝ ԳՀՀԾ – խմբ.) վերականգնելու պահանջից, որպեսզի «ՄԱԿ-ի միջուկային վերահսկողությունը փակի երեք օբյեկտներում հայտնաբերված ուրանի մասնիկների հետաքննությունը»։

Դիվանագետները հայտարարել են, որ Իրանի պատասխանը ԵՄ համակարգողին հետընթաց է, քանի որ փորձում է համաձայնագրի վերականգնումը կապել Ատոմային էներգիայի միջազգային գործակալության (ԱԷՄԳ)՝ ուրանի հետքերի հայտնաբերման հետաքննության փակման հետ։

«Այս վերջին պահանջը Իրանի մտադրությունների մասին լուրջ կասկածներ է առաջացնում»,- նշվել է ԳՀՀԾ-ի մասնակից երեք երկրների հայտարարությունում։- Իրանի դիրքորոշումը հակասում է նրա իրավաբանական պարտավորություններին եւ սպառնալիքի տակ է դնում ԳՀՀԾ-ի վերականգնման հեռանկարները»։

Հիշեցնենք, որ ԱՄՆ այն ժամանակվա նախագահ Դոնալդ Թրամփը միակողմանիորեն հրաժարվեց միջուկային գործարքից 2018թ. եւ նորից պատժամիջոցներ մտցրեց Իրանի դեմ։ Ջո Բայդենի իշխանության գալուց հետո ԱՄՆ-ը որոշել է վերադառնալ միջուկային գործարքին եւ Վիեննայում նախաձեռնել է ԳՀՀԾ-ի վերականգնման բազմամսյա բանակցություններ։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Իրանը Ֆորդոյի օբյեկտում սկսել է ուրանի 60 տոկոսով հարստացումը՝ ի պատասխան ՄԱԳԱՏԷ-ի բանաձեւի
ՄԱԳԱՏԷ-ի կառավարիչների խորհուրդը հավանություն է տվել հակաիրանական բանաձեւին եւ խնդրել ․․․
ԵՄ-ը «ավելի նպատակաուղղված պատժամիջոցներ» կընդունի իրանցի պաշտոնյաների դեմ. Մակրոն
Մենք հասցեական պատժամիջոցների կողմնակից ենք, ասել է Մակրոնը...
Իրանի միջուկային ծրագրի վերաբերյալ բանակցություններն ավարտվել են անարդյունք. ԱԷՄԳ-ի ղեկավար
Իրանի եւ ԱԷՄԳ-ի բանակցություններն  անարդյունք են ավարտվել...
Բայդենը մեկ տարով երկարացրել է Իրանի դեմ պատժամիջոցները
Մեկ տարով երկարացնում եմ Իրանի հանդեպ ազգային արտակարգ դրության ռեժիմը, ասել է Բայդենը...
Գերմանիայի ԱԳՆ-ն հայտարարել ԵՄ-ում Իրանի դեմ նոր պատժամիջոցների շուրջ կառուցողական բանակցությունների մասին․ ՏԱՍՍ
Ես չեմ կարող այսօր հայտնել մանրամասների եւ ժամանակացույցի մասին․․․
Իրանում անկարգությունները միջուկային գործարքը տապալելու ԱՄՆ-ի ծրագիրն էր․ գեներալ Մուսավի
Վերջերս Իրանում տեղի ունեցած անկարգությունները Վիեննայի  բանակցությունները (ԳՀՀԾ-ի շուրջ) տապալելու ԱՄՆ ջանքերի մի մասն էին․․․
Ամենաշատ