News
Լրահոս
News
Երեքշաբթի
Դեկտեմբեր 06
USD
395.53
EUR
393.43
RUB
6.42
Տեսնել լրահոսը

Հայաստանի ամենաթույլ տեղը Սյունիքն է, որի նկատմամբ ամենից մեծ ցանկությունն է արտահայտվում Ադրբեջանի ու Թուրքիայի կողմից ու դա արվում է բացահայտ: Այս մասին այսօր՝ սեպտեմբերի 28-ին, մամուլի ասուլիսի ժամանակ նշեց ՀՀ երկրորդ նախագահ Ռոբերտ Քոչարյանը:

«Հիմա կոնկրետ հարց. ո՞ր երկիրն է բացի Հայաստանից, ում համար Սյունիքը կարեւոր է՝ Իրանը: Սա դժվա՞ր էր կռահել: Եթե մենք ուզում ենք, ունենալով պետություն, որը բացի հայտարարություններից, կարող է այստեղ գործնական քայլերի դիմել, զուտ շահերի համադրությամբ, Իրանն է: Այս երկու տարվա ընթացքում գրեթե ոչինչ չարվեց: Առնվազն մի երկու զորավարժություն պետք է անեինք Իրանի հետ հենց Սյունիքում: Որոշակի պայմանագրային բազա պետք է լիներ Իրանի հետ եւ այդ ամենը ամենից մեծ զսպող հանգամանքը կլիներ Ադրբեջանի համար, որովհետեւ Իրանն այն պետությունը չէ, որին ինչ-որ տեղից մատ թափ տալով կարելի է կանգնեցնել, եթե ինքը հետապնդում է իր ազգային շահը»,-ասաց նա:

Քոչարյանը նաեւ նշեց, որ տեղյակ է, որ նման կարգի խոսակցություն Իրանի հետ եղել է 2021-ի մայիսին, բայց հետո հայկական կողմը այդ թեման սառեցրել է ու ոչ մի քայլ չի արել. «Առաջարկը, ի դեպ, մերը չէր: Հիմա էլ ուշ չի: Ես կարծում եմ՝ այստեղ մենք պետք է որոշ վճռական քայլերի գնանք՝ գիտակցելով, որ այո, պետք է համոզել Ռուսաստանին, եւ համալրել նոր բաղադրիչներով մեր անվտանգային համակարգը:

Խոսքը ՀԱՊԿ-ից դուրս գալու մասին չէ, դա կլիներ եւս մեկ հիմարություն: ՀԱՊԿ-ի շրջանակներում կային պայմանագրեր, որոնք շատ կարեւոր են զենք-զինամթերք գնելու համար: Ուղղակի համալրել նոր բաղադրիչներով մեր անվտանգային համակարգը: Ես համոզված եմ, որ դա հնարավոր է բացատրել եւ ռուսական կողմին եւ միգուցե եռակողմ մի նոր ֆորմատ ձեւավորել: Այսօր Ռուսաստանն Իրանի հետ բավականաչափ ջերմացնում է իր հարաբերությունները:

Համոզված եմ, որ սա հնարավոր է բացատրել նաեւ ԱՄՆ-ին: Դու կգա՞ իրենց՝ ոչ: Առաջարկո՞ւմ են այլընտրանք, չեն առաջարկում: Իմ կարծիքով սա այն վիճակն է, որ պետք է ավելի համարձակ լինել ոչ միայն ներսում, այլ դրսի հետ հարաբերություններում»,-ընդգծեց Ռոբերտ Քոչարյանը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Մեզ համար սկզբունքային է Հայաստանում ՀԱՊԿ պատասխանատվության գոտու հաստատումը. Ալեն Սիմոնյան
ՀՀ ԱԺ նախագահը, մասնավորապես, ասել է, որ վերջին տարիներին աշխարհաքաղաքական հարթության մեջ ուրվագծվում են քաղաքական…
Լավրովը հայտարարել է Հարավային Կովկասի հարցով 3 + 3 հարթակի առաջիկա հանդիպման մասին
Լավրովը հավելել է, որ այս բոլոր ուղղություններում Ռուսաստանի Դաշնությունը պատրաստ է աջակցություն ցուցաբերել կողմերին․․․
Անհրաժեշտ է Հայաստանին օգնություն տրամադրելու միջոցառումների մասին ՀԱՊԿ որոշման նախագիծ ստորագրել․ Զաս
Զասը հիշեցրել է, որ պետությունների ղեկավարների հանձնարարությամբ Հայաստանում ստեղծվել է դիտորդական առաքելություն․․․
Բայրամովը հայտարարել է Երեւանի եւ Բաքվի միջեւ բանակցությունների երրորդ փուլի հնարավորության մասին
Բայրամովի խոսքով՝ Ադրբեջանը պատրաստել եւ Հայաստանին է ներկայացրել խաղաղ կարգավորման մասին համաձայնագրի․․․
Ռազմական գործողությունների վերսկսման սպառնալիքը պահպանվում է․ Հ․ Աղազարյան  
Թուրքիայի եւ Ադրբեջանի զորավարժություններն ուղղված են նաեւ Հայաստանի ներքաղաքական կյանքի ապակայունացմանը․․․
Ծայրահեղ ծանր վիճակում գտնվող զինծառայողի մոտ դրական դինամիկա է նկատվում
Իրեն ամրակցված ինքնաձիգից երկու օր առաջ հրազենային վիրավորում ստացած...
Ամենաշատ