Կիպրոսի ԱԳՆ-ը խստորեն դատապարտում է անզեն հայ գերիների մահապատիժը ադրբեջանցի զինվորների կողմից
«Մենք եւս մեկ անգամ կոչ ենք անում անհապաղ ազատ արձակել բոլոր հայ գերիներին, ինչպես նաեւ կատարել մահապատիժների մանրակրկիտ հետաքննություն՝ մեղավորներին պատասխանատվության ենթարկելու համար»,- ասվում է գերատեսչության հայտարարության մեջ:
Արտաքին գործերի նախարարության ներկայացուցիչ Դեմետրիս Դեմետրիուն Twitter-ում ասել է, որ ինքը «ցնցված եւ ապշած է ադրբեջանական ուժերի կողմից անզեն հայ գերիների մահապատժի մասին հաղորդագրություններից»։ «Կիպրոսը խստորեն դատապարտում է բռնության նման ակտերը եւ կոչ է անում մանրակրկիտ հետաքննություն անցկացնել՝ մեղավորներին պատասխանատվության ենթարկելու համար»,- ասել է նա: