ՌԴ նախագահի մամուլի քարտուղար Դմիտրի Պեսկովը հայտարարել է, որ Ռուսաստանի Դաշնությունը եւ Հավաքական անվտանգության պայմանագրի կազմակերպությունում (ՀԱՊԿ) դաշնակիցները որեւէ էական տարաձայնություն չունեն։ Այս մասին Կրեմլի ներկայացուցիչը հայտարարել է ճեպազրույցի ժամանակ։
«Ոչ»,- ասել է Պեսկովը՝ պատասխանելով հնարավոր տարաձայնությունների մասին հարցին։
Պեսկովը նաեւ տեղեկացրել է, որ Պուտինը նախատեսում է այցելել Աստանա, որտեղ կանցկացվի Ասիայում փոխգործակցության եւ վստահության միջոցների ամրապնդման խորհրդակցության գագաթաժողովը։
Ռուսաստանի ղեկավարը նախատեսում է նաեւ այցելել ԱՊՀ պետությունների ղեկավարների խորհրդի նիստին, որտեղ չի բացառվում Պուտինի հանդիպումը թուրք առաջնորդ Ռեջեփ Թայիփ Էրդողանի հետ, պարզաբանել է Պեսկովը։