Հայաստանի հետ սահմանը միակողմանիորեն փակել է Թուրքիան եւ ցանկության դեպքում կարող է հայտարարել այն բացելու մասին։ Այս մասին լրագրողների հետ զրույցում փետրվարի 20-ին ասել է «Հայրենիք» կուսակցության նախագահ, Հայաստանի Ազգային անվտանգության ծառայության նախկին տնօրեն Արթուր Վանեցյանը։

Այս համատեքստում նա անթույլատրելի է համարել Անկարային սահմանը բացելու խնդրանքը, որպեսզի վերջինը դեռ մի բան էլ նախապայմաններ առաջադրի։ Վանեցյանն ավելացրել է, որ հայ հասարակությունում թյուր կարծիք կա այն մասին, որ Թուրքիայի հետ սահմանների բացումը կհանգեցնի կյանքի մակարդակի բարելավման։ «Բայց արդյո՞ք պատրաստ է Հայաստանի անվտանգության համակարգը։ Պատրա՞ստ է արդյոք դրան Հայաստանի տնտեսությունը։ 21-րդ դարում փակ սահմանները անթույլատրելի երեւույթ են, բայց Հայաստանը պետք է պատրաստ լինի դրան»,- նշել է ԱԱԾ նախկին տնօրենը։