Եվրամիության դիվանագիտության ղեկավար Ժոզեպ Բորելը հայտարարել է, որ Թբիլիսիում ցույցերի հանգեցրած օրինագիծն օտարերկրյա գործակալների մասին անհամատեղելի է ԵՄ-ի արժեքների հետ եւ հակասում է միությանն անդամակցելու Վրաստանի նպատակներին։
«Օրենքն իր ներկա տեսքով կարող է զսպիչ ազդեցություն ունենալ քաղաքացիական հասարակության եւ զանգվածային լրատվամիջոցների վրա՝ շատ վրացիների համար բացասական հետեւանքներով, որոնք օգուտ են ստանում նրանց աշխատանքից։ Այդ օրենքն անհամատեղելի է ԵՄ-ի արժեքների եւ չափորոշիչների հետ»,- նշվել է Բորելի հայտարարությունում։
ԵՄ-ի դիվանագիտության ղեկավարը նշել է, որ Եվրամիությունը կոչ է անում Վրաստանին, օտարերկրյա գործակալների մասին օրենքն ընդունելու համատեքստում, հավատարիմ մնալ դեմոկրատիային, օրենքի գերակայությանն ու մարդու իրավունքներին։ Բորելը նաեւ նշել է մարդկանց խաղաղ ցույցերի իրավունքի մասին։
