Ֆրանսիական Օվերն-Հռենոս-Ալպեր շրջանն Արցախի համար հումանիտար շարասյուն կկազմակերպի։ Այս մասին տեղեկացրել է շրջանի ղեկավար Լորան Վոքիեն Արցախի Հանրապետության արտաքին գործերի նախարար Սերգեյ Ղազարյանի հետ Երեւանում մարտի 31-ին կայացած համատեղ մամուլի ասուլիսում։
Վոքիեի խոսքով՝ շարասյունը կկազմակերպվի Ֆրանսիայի հայկական կազմակերպությունների հետ համատեղ, Օվերն-Հռենոս-Ալպեր շրջանի դրոշի ներքո։
«Այն կմոտենա Լաչինի միջանցքին, եւ մենք կպահանջենք, որպեսզի ադրբեջանցիները թողնեն, որ շարասյունն անցնի։ Կամ շարասյունը կանցնի, եւ մենք հույսի ոչ մեծ դուռ կբացենք, կամ չի անցնի, եւ դա մեզ առիթ կտա եվրոպական կազմակերպություններում նորից բարձրացնել մարդու իրավունքների խախտման եւ գործողությունների հրամայականի հարցը»,- ընդգծել է Լորան Վոքիեն։