Հարավային ռազմական օկրուգի (ՀՌՕ) ռազմակայանի հատուկ նշանակության ստորաբաժանումների զինծառայողները Հայաստանում ոչնչացրել են պայմանական հակառակորդի դիվերսիոն-հետախուզական խումբն Ալագյազ բարձրլեռնային զորադաշտում, ձմռան սեզոնի վերահսկիչ ստուգման պարապմունքների ժամանակ։ Այս մասին տեղեկացրել է Հարավային ռազմական օկրուգի մամուլի ծառայությունը։
Հատուկ նշանակության ստորաբաժանումն անծանոթ տեղանքում կատարել է «հակառակորդի» դիվերսիոն-հետախուզական խմբի հայտնաբերման առաջադրանք՝ կիրառվել են քողարկված հրամանատարական կետերի, ռադիոկայանների եւ կապի հանգույցների, տեխնիկայի կուտակման վայրերի եւ զինամթերքի պահեստների հայտնաբերման միջոցներ։ Դրանց հայտնաբերման դեպքում «հակառակորդը» ոչնչացվել է հաստիքային զենքից արձակված կրակով։
Հատուկ ծառայության ստորաբաժանման զինծառայողները կատարել են տեղանքի գաղտնի «տեղափոխում», դիտարկման երկարաժամկետ կետերի կահավորում, փորձարկել գլխավոր ուժերից կտրված լինելու դեպքում ողջ մնալու միջոցներ։
Հատուկ ուշադրություն է դարձվել ժամանակակից զենքի եւ հետախուզության տեխնիկական միջոցների, այդ թվում դիտարկման նորագույն օպտիկա-էլեկտրոնային համալիրների կիրառման հմտությունների կատարելագործմանը։
