Land Rover-ը հատուկ Կարմիր խաչի համար ստեղծել է Defender 130 նոր ամենագնացը, տեղեկացրել է «Мотор»-ը։
2023թ. Land Rover ընկերությունը պաշտոնապես ներկայացրել է 8-տեղանի ամենամեծ Defender-ը։
Նորույթի նմուշներից մեկը գործարանի մասնագետները Բրիտանիայի Կարմիր խաչի աշխատողների հետ միասին հարմարեցրել են Միջազգային Կարմիր խաչի հումանիտար աշխատանքի համար. մեքենան հանձնել են կազմակերպության Հյուսիսային Ուելսի աշխատակիցներին։ Բրիտանիայի Կարմիր խաչի հովանավորը 70 տարի եղել է Եղիսաբեթ II թագուհին, եւ մեքենայի ստեղծումը հարմարեցրել են Նորին Գերազանցության պլատինե հոբելյանին։ Ամենագնացն ունի արտաքին ալեհավաք՝ 4G ցանցերին միանալու հնարավորությամբ, ցանկացած վայրում ուժեղ ազդանշանի ապահովմամբ։
Մեքենան չունի նստելատեղերի երրորդ շարքը։
Դրա փոխարեն տեղադրված է շարժական արկղերի ներկառուցված համակարգ ծածկոցների, սննդամթերքների եւ արտակարգ իրավիճակներում (փոթորիկ, հեղեղում, հրդեհ, սառնամանիք) առաջին օգնության պարագաների համար։ Նստելատեղերի հակաբակտերիալ պաստառները, որոնք կարելի է լվանալ, եւ վերալիցքավորվող լուսարձակները եւս մտցվել են լրացուցիչ օպցիաների մեջ, կա ներկառուցված բոյլեր։
