![](img/news/77/81/50/default.jpg)
Իրանի ատոմային էներգիայի կազմակերպության ղեկավար Մոհամմադ Էսլամին ասել է, որ Իրանը կվերադառնա միջուկային համաձայնագրով ստանձնած բոլոր պարտավորություններին, երբ պատժամիջոցներն ամբողջությամբ չեղարկվեն, հայտնում է IRNA-ն։
Նա նշել է, որ Իրանը միջուկային համաձայնագրով ստանձնած պարտավորությունները կկատարի միայն այն բանից հետո, երբ արևմտյան տերությունները լիովին կատարեն իրենց պարտավորությունների բաժինը, ըստ որի՝ ամբողջությամբ կվերացնեն պատժամիջոցները։
Ի պատասխան Իսրայելի սպառնալիքների մասին հարցին՝ նա ասել է. «Իրանի միջուկային ծրագիրը չի կարող կասեցվել միջուկային օբյեկտներին հարվածներով կամ պատժամիջոցներով։ Մեր միջուկային օբյեկտներին հարվածելն անօգուտ է, և նրանց կտրվի վճռական ու կործանարար պատասխան»։
Նա ընդգծել է, որ Իսրայելի սպառնալիքները և Իրանի միջուկային օբյեկտների վրա հարձակվելու կարողությունը դատարկ են և կեղծ։
Նա վստահեցրել է, որ այս տարին լինելու է Իրանի միջուկային ծրագրի հետ կապված «քաղաքական աղմուկի» ավարտի տարի։
Նա շարունակել է, որ Իրանի և ՄԱԳԱՏԷ-ի միջև բանակցությունները շարունակվում են, իսկ բարձր հարստացված ուրանի մասնիկների գործը վերջերս փակվել է։ Էսլամին ընդգծել է, որ ՄԱԳԱՏԷ-ի հսկողության տեսախցիկների տեղադրումը հիմնականում կախված է միջուկային համաձայնագրի մյուս կողմերի պարտավորություններից։