Թուրքիայի եւ Հայաստանի հարաբերությունների կարգավորումը, այդ թվում սահմանի բացման հարցում, լիովին կախված է այն քայլերից, որոնք կձեռնարկի պաշտոնական Երեւանը, տարածաշրջանում ստեղծվել է նոր իրավիճակ, «ՌԻԱ Նովոստի»-ին ասել է աղբյուրը Թուրքիայի նախագահի աշխատակազմում։
«Ինչ վերաբերում է մեր (Թուրքիայի եւ Հայաստանի- խմբ.) հարաբերությունների կարգավորմանը, բուն գործընթացին, որի շրջանակում տեղի են ունեցել հանդիպումներ, ապա խոսել հերթական քայլերի մասին կարելի կլինի այն բանից հետո, երբ մենք տեսնենք Երեւանի կառուցողական, անկեղծ եւ խաղաղությանը միտված մոտեցումը։ Անհրաժեշտ է հասկանալ, որ տարածաշրջանում ստեղծվել է նոր իրավիճակ, կան համագործակցության լայն հնարավորություններ։ Նման մոտեցման առկայության դեպքում, կարծում եմ, մենք կտեսնենք կոնկրետ շարժ այդ գործընթացում, ընդհուպ մինչեւ սահմանի հարցը»,- ասել է գործակալության զրուցակիցը։
