Հարցվածների 77 տոկոսը Ռուսաստանը համարում է Վրաստանի գլխավոր քաղաքական սպառնալիքը։ Տնտեսական վտանգ Ռուսաստանից տեսնում է 69%-ը։ Այս մասին են վկայում Վրաստանում Միջազգային հանրապետական ​​ինստիտուտի (IRI) անցկացրած հարցման արդյունքները, փոխանցում է Georgia News-ը։

Թուրքիան գլխավոր քաղաքական սպառնալիք է համարում 12%-ը, տնտեսականը՝ 11%-ը։

Վրաստանի քաղաքական գործընկեր երկրների վարկանիշը գլխավորում է Եվրամիությունը (51%), որին հաջորդում են ԱՄՆ-ը (32%), Ադրբեջանը (19%), Ուկրաինան (17%), Թուրքիան (16%), Հայաստանը (9%), Ռուսաստանը (9%)։

Վրաստանի տնտեսական գործընկերների վարկանիշը նույնպես գլխավորում է Եվրամիությունը (43%), որին հաջորդում են ԱՄՆ-ը (31%), Թուրքիան (28%), Ադրբեջանը (24%), Ռուսաստանը (16%), Չինաստանը (12%), Ուկրաինան (12%), Հայաստանը (8%), Իսրայելը (5%)։