«Հայ հասարակությունը սխալ է գիտակցում „եվրաինտեգրացիա“ բառի բովանդակությունը, որի մասին այդքան խոսում են հանրապետության բարձրաստիճան պաշտոնյաները»,- 2010 թվականի բյուջեի նախագծի քննարկման ժամանակ նոյեմբերի 5-ին հայտարարել է եվրոպական ինտեգրացիայի հարցերի մշտական հանձնաժողովի նախագահ Նաիրա Զոհրաբյանը։
«Վերջերս սոցիոլոգիական ծառայություններից մեկի անցկացրած հարցումների արդյունքում պարզվել է, որ հայ հասարակության մեջ „եվրաինտեգրացիա“ խոսքի տակ հասկանում են շատ վատ բաներ»,-ասել է նա։
Ամեն դեպքում, 2010 թվականի բյուջեի նախագծով Հայաստանը եվրաինտեգրացիայի ծախսերի համար նախատեսում է հատկացնել 233 մլն դրամ, թեեւ այս ծախսերը փակվում են եվրոպական կազմակերպությունների կողմից տրված դրամաշնորհներով եւ վարկերով։ Ֆինանսների փոխնախարար Պավել Սաֆարյանը հայտնել է, որ օրերս Եվրահանձնաժողովի առաջարկով Եվրամիությունը որոշում է ընդունել Հայաստանին 100 մլն եվրո տրամադրելու, որից 35 մլն գրանտի, իսկ 65 մլն վարկի տեսքով։ Միջոցները կտրամադրվեն 2010 թվականի առաջին եւ 4-րդ եռամսյակներում։ Սակայն, ինչպես նշեց Սաֆարյանը, քանի դեռ փողերը չեն ստացվել, դրանք չեն արտացոլվի բյուջեում։ Եվս 14 մլն եվրո կտրամադրվի Հայաստանին 3 տարվա ընթացքում եվրոպական հարեւանություն քաղաքականության ծրագրի շրջանակներում։ Այս միջոցներից վերջինը կստացվի 2010 թվականին։ Այս միջոցներից 11 մլն եվրո կուղարկվի կրթական ծրագրերին եւ եւս 4-ը դատաիրավական ոլորտի բարեփոխումներին։ «Արեւելյան գործընկերություն» ծրագրի մասնակից-երկրներին կտրվի 600մլն եվրո։ «Եվրոպական հարևանություն» ծրագրի շրջանակներում սևծովյան ավազանի երկրներին կտրամադրվի 18 մլն եվրո։ Եվրոպական Միությունը, իբրեւ դրամաշնորհ, 2 մլն կտրամադրի Հայաստանին՝ միջուկային անվտանգության եւ 3մլն էլ՝ պարենային անվտանգության ապահովման համար։