Իրանի իշխանությունները կեղծ ընկերությունների գաղտնի հաշիվներ են բացել բրիտանական Lloyds եւ Santander UK  բանկերում՝ ամերիկյան պատժամիջոցները շրջանցելու համար, նշվել է The Financial Times (FT) թերթի հետաքննությունում։

Պարբերականի տվյալներով՝ Lloyds-ը եւ իսպանական Santander բանկի բրիտանական մասնաճյուղը հաշիվներ են տրամադրել Միացյալ Թագավորությունում գրանցված ընկերություններին, բայց իրականում դրանք պատկանել են Petrochemical Commercial Company (PCC) իրանական պետական ընկերությանը։ Ավելի վաղ ԱՄՆ իշխանությունները PCC-ին մեղադրել էին միլիոն դոլար հավաքելու մեջ՝ Իսլամական հեղափոխության պահապանների կորպուսի «Ալ-Քուդս» հատուկ նշանակության ուժերի համար։

PCC-ն եւ նրա դուստր ընկերությունը Մեծ Բրիտանիայում՝ PCC UK-ը, ամերիկյան պատժամիոցների տակ են 2018թ. նոյեմբերից։ FT-ի համաձայն՝ PCC UK-ն այդ ամբողջ ժամանակ շարունակել է աշխատել Լոնդոնի կենտրոնում գտնվող օֆիսից՝ օգտագործելով կեղծ կազմակերպությունների բարդ ցանցը թագավորությունում եւ այլ երկրներում, այդ թվում Չինաստանում եւ Թուրքիայում։ Այդ ընկերություններից մեկը՝ Pisco UK-ն, գրանցված էր Սուրեյ կոմսությունում եւ բիզնես-հաշիվ ուներ Santander UK-ում։

FT-ն հիշեցրել է, որ 2019թ. ԱՄՆ ֆիննախի օտարերկրյա ակտիվների վերահսկման վարչությունը նշանակել է ավելի քան 1 մլրդ դոլարի տուգանք Standard Chartered եւ UniCredit բանկերին՝ հակաիրանական պատժամիջոցները խախտելու համար։