News
Լրահոս
News
Շաբաթ
Մայիս 25
Տեսնել լրահոսը

Ճապոնիայի Կիոտոյի հանրահայտ Գիոն թաղամասի այցելուներին կարգելվի մուտք գործել մի շարք փողոցներ ու ծառուղիներ, հայտնում է The Guardian-ը։

Նշվում է, որ զբոսաշրջային հոսքերի վերադարձը նախահամաճարակային մակարդակին առաջացրել է տեղի բնակիչների դժգոհությունը՝ քաղաքի հյուրերի կուտակումների և նրանց ոչ միշտ պարկեշտ պահվածքի պատճառով։

Գիոնն այն տարածքն է, որտեղ փողոցներում հաճախ կարելի է գտնել գեյշաներ և մայկոներ՝ կանանց, ովքեր հյուրերին հյուրասիրում են երգով, պարով և զրույցով: Սակայն որոշ աղբյուրներ սխալմամբ գեյշաների աշխատանքը համեմատում են մարմնավաճառության հետ։

Գիոնում կան թեյատներ, որտեղ անցկացվում են ճապոնական ավանդական արարողություններ, որտեղ աշխատում են գեյշաներն ու մայկոները։ Սակայն, նշվում է, որ բազմաթիվ զբոսաշրջիկներ, չնայած դա ուղղակիորեն արգելող նշաններին, սկսում են լուսանկարել և տեսագրել կանանց, փորձել մոտենալ նրանց և դիպչել նրանց էլեգանտ կիմոնոյին։ Բացի այդ, հաճախակի են լինում մասնավոր տարածք մուտք գործելու փորձեր։

Դեկտեմբերին Գիոնի բնակիչների խորհուրդն իշխանություններին կոչ արեց միջոցներ ձեռնարկել կռվարար զբոսաշրջիկների դեմ՝ ընդգծելով, որ իրենց տարածքը «զվարճանքի պուրակ չէ»:

Տեղի բնակիչները դժգոհում են, որ Կիոտոյի որոշ այցելուներ իրենց պահում են պապարացիների պես, երբ տեսնում են շտապող գեյշաներին և սկսում են լուսանկարել ու հետապնդել նրանց նույնիսկ երկու մետրից ոչ ավելի լայնությամբ նեղ փողոցներում։

Արգելքն ուժի մեջ կմտնի հաջորդ ամսից, թեեւ դեռ պարզ չէ, թե ինչպես է այն կարգավորվելու։ Հավանաբար կտեղադրվեն համապատասխան նշաններ և ուղեցույցներ: Գլխավոր տուրիստական ​​փողոցը՝ Հանամիկոջին, բաց է մնալու։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ապրիլին 163 հազար 970 զբոսաշրջիկ է այցելել Հայաստան. դա 16 հազարով քիչ է 2023-ի ցուցանիշից
2024 թ․ ապրիլ ամսին դեպի Հայաստան առավել շատ զբոսաշրջային այցելություններ...
Պապոյանի մասնակցությամբ քննարկվել են զբոսաշրջության ոլորտի գրավչությունը բարձրացնելուն ուղղված գործողությունները
Երկուստեք կարևորվել է նման քննարկումների նշանակությունը և որոշում կայացվել...
Վենետիկը սկսել է զբոսաշրջիկներից քաղաք մեկօրյա այցի համար գումար գանձել
Վճարովի տոմս չունենալը սպառնում է 50 եվրո տուգանքով...
Պահպանելով ու ներկայացնելով հայկականը․ կայացավ One Way Tour–ի Tourism&more կոնֆերանսը
Ի՞նչ դեր կարող են ունենալ զբոսաշրջային ընկերությունները հայկական պատմամշակութային ժառանգության պահպանման և պաշտպանության գործում...
Մարտին Հայաստան է այցելել 154 հազար 215 զբոսաշրջիկ. դա 5700-ով պակաս է 2023-ի մարտի համեմատ
2024 թ․ մարտ ամսին դեպի Հայաստան առավել շատ զբոսաշրջային այցելություններ...
Սիսիան Պօղոսեանը վերանշանակվել է Զբոսաշրջության կոմիտեի նախագահ
Ղեկավարվելով «Հանրային ծառայության մասին» Հայաստանի Հանրապետության օրենքի 6-րդ հոդվածի 3.1-ին մասով և 9-րդ հոդվածի 7-րդ մասով...
Ամենաշատ