Եվրահանձնաժողովը (ԵՀ) 500 միլիոն եվրո է հատկացրել եվրոպական պաշտպանական արդյունաբերության կողմից զինամթերքի արտադրությանը։ Այս մասին հայտնում է ԵՀ մամուլի ծառայությունը։
«Այսօր Եվրահանձնաժողովը հատկացրել է 500 միլիոն եվրո, որը նախատեսված է Զինամթերքի արտադրության աջակցության մասին ակտով։ Դա թույլ կտա եվրոպական պաշտպանական արդյունաբերությանը մինչև 2025 թվականի վերջը մեծացնել զինամթերքի արտադրության իր հզորությունը մինչև տարեկան 2 միլիոն փամփուշտ»,- ասված է ԵՀ-ի հայտարարության մեջ։
Բացի այդ, Եվրահանձնաժողովը սկսել է «աշխատանքային ծրագիր՝ միասնական գնումների միջոցով եվրոպական պաշտպանական արդյունաբերության ամրապնդման համար և Եվրոպական պաշտպանության հիմնադրամի չորրորդ տարեկան աշխատանքային ծրագիրը»: «Այս ծրագրերի ընդհանուր բյուջեն կազմում է գրեթե 2 միլիարդ եվրո:
Եվրոպական պաշտպանական տեխնոլոգիաների և արդյունաբերական բազայի ամրապնդմանն ուղղված այսօրվա քայլերը ձեռնարկվում են առաջին Եվրոպական պաշտպանական արդյունաբերական ռազմավարության և դրա հետ կապված Եվրոպական պաշտպանական արդյունաբերության ծրագրի ընդունումից հետո», հավելել են Եվրահանձնաժողովում։
