Վերականգնման եվրոպական հիմնադրամը (Next Generation EU) նշել է, որ համավարակից եւ Ուկրաինայում հակամարտությունից հետո Եվրամիության տնտեսական պատկերը փոխվել է։ Այս մասին հայտնել է էկոնոմիկայի հարցերի եվրահանձնակատար Պաոլո Ջենտիլոնին։
«2023թ. [տնտեսության] աճը թույլ էր, 22 երկրներում այն բացասական էր, իսկ այժմ մենք գտնվում ենք թույլ աճի պայմաններում,- նշել է նա EL PAÍS թերթի հարցազրույցում։- Բայց ես հոռետես չեմ։ «Next Generation EU հիմնադրամը եւ պատերազմն Ուկրաինայում փոխել են Եվրոպայի [տնտեսական] աճի պատկերը. ներկայում դժվարություններ են կրում Հյուսիսային Եվրոպայի, Մերձբալթիկայի եւ Կենտրոնական Եվրոպայի երկրները, այսինքն՝ Գերմանիան եւ Ավստրիան,- ավելացրել է նա։- Ավելի մեծ աճ ունեն արեւելքի եւ հարավի երկրները, հատկապես Իսպանիան, Պորտուգալիան եւ Հունաստանը, իսկ Իտալիան եւ Ֆրանսիան լավ են «պահպանվում»։ Սա աճի ավանդական պատկեր չէ»։
Ջենտիլոնիի խոսքով՝ Գերմանիայի տնտեսական հաջողության որոշ հիմքեր հարցականի տակ են հայտնվել։ Նա կարծիք է հայտնել, որ իրավիճակն Իսպանիայում ավելի լավ է, քան ԵՄ այլ երկրներում։
Եվրահանձնակատարի կարծիքով՝ Եվրախորհրդարանի ամռանը նախատեսված ընտրությունները «սթրես-թեստ կդառնան, որովհետեւ որոշ երկրներում կարող է տեղի ունենալ հակաեվրոպական ուժերի վերելք, որոնք անկայունության իրական վտանգ են ներկայացնում»։