News
Լրահոս
News
Երկուշաբթի
Մայիս 20
Տեսնել լրահոսը

Վիվա-ՄՏՍ-ն առաջնորդվում է ոչ միայն բիզնես նպատակահարմարության, այլև պատասխանատվության սկզբունքով: Ավելին՝ դրանք չեն տարանջատվում: Բնակչության թվով և այլ հանգամանքներով պայմանավորված՝ մարզերում սպասարկման կենտրոններ ունենալը երբեմն արդարացված չէ՝ բիզնես ներդրումների վերադարձելիության տեսանկյունից: Այդուհանդերձ, Վիվա-ՄՏՍ-ը կարևորում է պատասխանատու մոտեցումը, մայրաքաղաքում և դրանից դուրս՝ բարձրակարգ սպասարկում և ծառայություններ մատուցելու անհրաժեշտությունը:

Գեղարքունիքի մարզի Ճամբարակ քաղաքում հեռահաղորդակցության առաջատար օպերատորն սկսել է ծառայություններ մատուցել 2007 թվականից: Գործել է փոքրիկ տարածքում՝ կրպակում, սակայն բարձրակարգ սպասարկմամբ, տրամադրվող առաջարկությունների մեծ հնարավորությամբ և արձանագրել է բաժանորդների գոհունակության՝ առավելագույն ցուցանիշ: Նոր հասցեում վերաբացված՝ ժամանակակից լուծումներով սպասարկման կենտրոնում, մեծացել է ավելի շատ հաճախորդ ընդունելու և հարմարավետ սպասարկելու հնարավորությունը: Բնակիչներն արձանագրում են, որ այս սպասարկման կենտրոնի բացումը կարևոր խթան է սահմանում ապրողի համար:

Բիզնես գործունեությանը զուգահեռ՝ Վիվա-ՄՏՍ-ը պատասխանատու մոտեցում է դրսևորել տարբեր ծրագրերի միջոցով՝ մայրաքաղաք-մարզեր զարգացման տեմպերի տարբերությունը մեղմելու ուղղությամբ: Մասնավորապես՝ Ճամբարակից շուրջ 6 կմ հեռավորության վրա գտնվող, նույն համայնքում ընդգրկված Վահան գյուղում տարբեր ծրագրեր են իրականացվել: 27 կմ երկարությամբ սահմանագիծ ունեցող բնակավայրը հյուսիսարևելյան վահան է երկրի համար: Այստեղ կարևոր են համարում թիկունքի զգացողությունը, ուշադրության և առկա խնդիրները լուծելու պատրաստակամությունը: Վահանը Վիվա-ՄՏՍ-ի ուշադրության կենտրոնում է եղել դեռևս 2008 թվականին: Հնարավորություն է ստեղծվել աջակցել մի հարցում, որի անհրաժեշտություն կար վաղուց. կառուցվել էր գազատար:

Ավելի ուշ՝ 2014 թվականին, Վիվա-ՄՏՍ-ն ու Վայրի բնության և մշակութային արժեքների պահպանման հիմնադրամը (FPWC), գյուղի մանկապարտեզում արևային ջրատաքացուցիչ են տեղադրել: Նոր տեխնոլոգիաների կիրառման արդյունավետությունը երկար սպասեցնել չի տվել. մանկապարտեզում մոտավորապես 60%-ով նվազել են գազի սպառումն ու ջեռուցման ծախսերը: Նոր տեխնոլոգիաների կիրառման արդյունքում լուծվում է նաև բնապահպանական, էներգախնայողության և համայնքային զարգացման խնդիր: 2015 և 2016 թվականին աշխատանքներ են տարվել Վահանի փողոցները լուսավորելու ուղղությամբ: Տեղադրվել է արտաքին լուսավորության լուսադիոդային (LED) համակարգ: 

Ընկերությունը 10 համակարգիչ է տրամադրել գյուղի միջնակարգ դպրոցին՝ ժամանակակից մեթոդներով ուսումնական գործընթացը կազմակերպելու նպատակով: Հասարակության մասին հոգ տանելու՝ Վիվա-ՄՏՍ-ում ամրագրված արժեքային համակարգը, վարքագիծ է դարձել նաև աշխատակիցների համար: Ֆինանսների և ադմինիստրացիայի վարչության աշխատակիցների անձնական ներդրման արդյունքում հավաքված շուրջ 2մլն դրամով, տարիներ առաջ, դպրոցի շենքում կառուցվել է սանհանգույց: 

Վահանում անասնապահությամբ զբաղվելը հեշտ չէ․ գյուղի աշխարհագրական դիրքն իր կանոններն է թելադրում: Խոշոր եղջերավորներին արոտավայր թողնելը ռիսկեր է պարունակում. սահմանն անցնելու դեպքում կենդանիների վերադարձն անհնար է դառնում: Վիվա-ՄՏՍ-ն ու Վայրի բնության և մշակութային արժեքների պահպանման հիմնադրամը (FPWC) փորձել են օգտակար լինել նաև այդ հարցում: Գյուղի ֆերմերներին տրամադրվել է արևային էներգիայով աշխատող՝ «էլեկտրական հովիվների» շարժական համակարգ՝ կանխելով փոքրիկ տնտեսություններին հասցվող վնասը:

Վիվա-ՄՏՍ-ը մեկ այլ գործընկերոջ՝ «Հայաստանի Ֆուլեր տնաշինական կենտրոնի» հետ, նաև բնակարանաշինության ծրագիր է իրականացրել Վահանում: Բիզնես գործունեությանը զուգահեռ, Վիվա-ՄՏՍ-ն իր գործընկերների հետ նախաձեռնած ծրագրերով, գյուղերն ինտեգրում է մի գործընթացում, որի հիմքում կայունության չորս՝ բնապահպանական, տնտեսական, մշակութային և սոցիալական բաղադրիչներն են:

1 (1).jpg (49 KB)

4.jpg (27 KB)

9.jpg (42 KB)

Տպել
Կարդացեք նաև
Ամբողջը
«Մեկնարկի՛ր».  կրթական հարթակ՝ ստարտափ ստեղծող երիտասարդների համար
Վստահ է, որ հետաքրքիր ժամանցով ու խաղերով զուգորդվող գործընթացն արդյունավետ կլինի, կնպաստի որոնողական համակարգերից ստացած ինֆորմացիայի մշակմանը...
Վիվա-ՄՏՍ. տեխնոլոգիական ժամանակակից լուծումներ սահմանամերձ գյուղի ենթակառուցվածքի արդիականացման նպատակով
Ավելի քան 9 տարի, գործընկեր կազմակերպությունները կանգնած են մեր սահմանամերձ բնակավայրի կողքին, որպեսզի զարգացնենք ենթակառուցվածքները...
Երազանքն իրականացնելու ճանապարհին․ «Մեկնարկի՛ր» ծրագրի մասնակից Տիգրանը սկսել է ուսումնասիրել ստարտափ էկոհամակարգը
17-ամյա Տիգրանը մանուկ հասակից հետաքրքրվել է աստղագիտությամբ: Տիգրանի ծննդավայր Սյունիքի աստղաշատ երկինքը, մասամբ էլ՝ տիեզերքի մասին քրոջ...
Կոթիում նոր փողոցներ են լուսավորվել՝ ավտոմատ և հեռավար կառավարմամբ (ֆոտո)
Սահմանապահ Կոթիում արդի տեխնոլոգիաներով աշխատող համակարգ է գործարկվել...
Հայերեն բացառիկ բովանդակություն՝ հայկական առաջին սթրիմինգային հարթակ «Kinodaran»-ից. Վիվա-ՄՏՍ
Ցանկացած վայրից և ցանկացած պահի բովանդակության բազմազանություն ու հասանելիություն ապահովող սթրիմինգային հարթակները շարունակում են գրավել ավելի ու ավելի լայն լսարաններ...
Հաջողված պատմություն՝ շարունակական աջակցության արդյունքում (ֆոտո)
Երաժշտաթերապիայից մինչև կոնսերվատորիա...
Ամենաշատ
Ֆոտոռեպորտաժներ