![](img/news/82/46/01/default.jpg)
Վատիկանը մտադիր է Չինաստանում մշտական ներկայացուցչություն բացել, ինչը զգալի բարելավում կլինի Պեկինի հետ դիվանագիտական հարաբերություններում, երեքշաբթի հայտնել է պետքարտուղար կարդինալ Պիետրո Պարոլինը։
Կարդինալ Պարոլինը ելույթ է ունեցել Չինաստանում Կաթոլիկ եկեղեցուն նվիրված Վատիկանի կազմակերպած համաժողովում, որը հազվագյուտ հարթակ է երկու կողմերի միջև բարձր մակարդակի բանակցությունների համար:
«Վաղուց հույս ունեինք, որ կարող ենք կայուն ներկայություն ունենալ Չինաստանում», - ըստ Reuters-ի՝ ասել է կարդինալը, հավելելով, որ Վատիկանը դրան հասնելու համար կարող է նոր դիվանագիտական բանաձևեր ուսումնասիրել։
Անցյալ տարի Վատիկանը թույլտվություն է ստացել պապական ռեզիդենտ ներկայացուցիչ ունենալ Վիետնամում՝ մեկ այլ կոմունիստական երկրում, որի հետ դիվանագիտական հարաբերություններ չունի։ Պարոլինն ենթադրել է, որ Չինաստանում Վատիկանի բանագնացը կարող է այլ տիտղոս կրել:
Ֆրանցիսկոսի տեղակալ կարդինալը հայտնել է նաև, որ Վատիկանի Չինաստանի Կոմունիստական կուսակցության վերահսկած Չինաստանի եպիսկոպոսների խորհրդի ճանաչումը նույնպես օրակարգ է ընդգրկվել և ընթացքի մեջ է:
Վատիկանի և կոմունիստական Չինաստանի միջև հարաբերությունները պատմականորեն անկայուն են եղել, սակայն Հռոմի Պապ Ֆրանցիսկոս Առաջինը՝ հիմնվելով եպիսկոպոսների նշանակման վերաբերյալ 2018 թվականի ուղենիշային պայմանագրի վրա՝ դրանց կարգավորումը առաջնահերթություն է դարձրել: