Ադրբեջանն իրականացնում է միայն այն, ինչը բխում է իր սեփական շահերից։ Այս մասին Ազգային ժողովում, ավանդական ճեպազրույցներում, մայիսի 23-ին ասել է «Հայաստան» ընդդիմադիր խմբակցության ղեկավար Սեյրան Օհանյանը։
Մի դեպքում, ինչպես նշել է խորհրդարանականը, Բաքուն պարտադրում է սահմանազատում Տավուշի ուղղությամբ, կարող է հղում կատարել այս կամ այն քարտեզներին, Ալմաթիի համաձայնագրին, մյուս դեպքում՝ չի համաձայնում նրան, ինչը կարող է դուրս գալ իր շահերի շրջանակից։ «Խաղաղությունն Ադրբեջանի հետ անհրաժեշտություն է, բայց ներկա գործընթացը վաղաժամ է։ Մանավանդ եթե հաշվի առնենք նրա հռետորաբանությունը, սադրանքներն ու ցեղասպանությունը Արցախի հանդեպ»,- նշել է Օհանյանը։
