նախընտրելի դարձնել
Դանիայի վարչապետ Մետտե Ֆրեդերիկսենը հայտարարել է, որ Ուկրաինային շտապ անհրաժեշտ է եվրոպական ֆինանսավորում 2026 թվականի համար, ինչպես նաև 2027 թվականի համար միջոցների հատկացումների երաշխիքներ, հաղորդել է Politico-ն։
«Ուկրաինայի փողերն այժմ սպառվում են։ Որոշ իմաստով դա արդեն տեղի է ունեցել», — ասել է Ֆրեդերիկսենը։ Նրա խոսքով՝ Կիևն այլևս չի կարող գնել կամ արտադրել իրեն անհրաժեշտ սպառազինությունը։
Ուկրաինայի ամենասուր ռազմական կարիքը վարչապետն անվանել է հակաօդային պաշտպանության միջոցները։
Ֆրեդերիկսենը նաև հայտնել է, որ սառեցված ռուսական ակտիվները «ամենաակնհայտ տեղն են, որտեղ պետք է միջոցներ փնտրել»։ Նրա կարծիքով՝ դրանք կարելի է օգտագործել եվրոպական պաշտպանության ֆինանսավորման և Ռուսաստանի պատճառած վնասի փոխհատուցման համար։
